रत्ननगर । नेकपा एमालेको मिसन ग्रासरुट अभियान अन्तर्गत रत्ननगरमा अखिल नेपाल महिला संघले संगठन सृदृढिकरण सम्बन्धी अन्तरक्रिया कार्यक्रम गरेको छ ।

अनेमसंघ रत्ननगर नगरकमिटीले आयोजना गरेको सो कार्यक्रममा नेताहरुले पार्टी र संगठन भित्र देखिएको अन्तरविरोध अन्त्य र जनताको घरदैलोमा पुग्न पार्टीले ग्रासरुट अभियान सुरु गरेको बताएका थिए । अनेमसंघ रत्ननगरकी अध्यक्ष चन्द्रिका महत केसीको अध्यक्षतामा भएको कार्यक्रममा अनेमसंघ केन्द्रीय सदस्य ज्वाल पुरी वन प्रमुख अतिथि रहेकी थिइन ।

अनेमसंघकी जिल्ला अध्यक्ष विमला दुवाडीले पार्टी र संगठन भित्र देखिएको अन्तर विरोधका कारण एमालेले गएका निर्वाचनमा सोचे जस्तो परिणाम हात पार्न नसकेको बताइन । नेकपा एमाले रत्ननगर नगर कमिटीका अध्यक्ष ईश्वरी अर्यालले मिसन ग्रासरुट अभियानको उद्देश्य र कार्ययोजनाको बारेमा प्रकास पार्दै पार्टीलाई एकताबद्ध, शुद्धिकरण एवम् सुदृढीकरण अभियानमा अनेमसंघले मुख्य भूमिका निर्वाह गर्नुपर्ने आवश्यकता औँल्याएका थिए ।

अनेमसंघकी नगर इन्चार्ज विष्णु आचार्यले नारी दिवसको महत्व र औचित्यका बारेमा सहजीकरण गरेकी थिइन । कार्यक्रमकी प्रमुख अतिथि अनेमसंघ केन्द्रीय सदस्य ज्वाला पुरी वनले जनतामा स्थापित नेकपा एमालेलाई एकताबद्ध र मजबुत बनाउन अनेमसंघले भूमिका खेल्नु पर्ने बताइन् । संघकी नगर उपाध्यक्ष्य सबिता चौधरीले स्वागत मन्तव्य राखेको कार्यक्रम सचिव गीता सिंखडाले सञ्चालन गरेकी थिइन ।