Listen Live: 

चितवनको नारायणी किनारमा ह्विलचियर प्रयोगकर्ताहरुले र्‍याली

Radio Chitwan
बिहिबार, फाल्गुन १८, २०७९

चितवन, फागुन १८–

चितवनको नारायणी किनारमा ह्विलचियर प्रयोगकर्ताहरुले र्‍याली गरेका छन् ।

अपाङ्ग समाज चितवन र सुषुम्ना नाडी घाइते मैत्रीय समाज चितवनको संयुक्त आयोजनामा नारायणगढको नारायणी तीरलाई पहुँचयुक्त पर्यटन स्थल होस् भन्ने उद्देश्यले ह्विलचियर प्रयोगकर्ताहरुले बुधबार र्‍याली गरेका हुन् ।

र्‍यालीमा १५ जनाको सहभागिता रहेको थियो । सहभागीहरुले नारायणी तटलाई प्राकृतिक र सबैको लागि पहुँचयुक्त बनाउनका लागि सरोकारवालाहरुले ध्यान दिनुपर्ने बताए ।

ह्विलचियर प्रयोगकर्ताहरु एक आपसमा भेटघाट तथा अन्तरक्रिया गर्नाले उनीहरुको जीवनमा आइपरेका चुनौती र सोको समाधानका लागि एक अर्काले गरिरहेका प्रयासको विषयमा जानकारी हुने हुँदा आपसी मित्रतामा वृद्धि हुने र जीवन नै सकियो भन्नेहरुलाई बाँच्ने हौसला प्राप्त हुने ह्विलचियर प्रयोगकर्ता अमृत अधिकारीले बताए । पहुँचयुक्त भौतिक संरचना र पूर्वाधार ह्विलचियर प्रयोगकर्ताहरुको मात्र नभई सबैको साझा मुद्दा हुनुपर्नेमा नागरिक समाजका प्रतिनिधिहरुले यस विषयलाई बेवास्ता गरेको ट्राइसाइकल प्रयोगकर्ता रचना थापाले बताइन् ।

पहुँचयुक्त बैंकिंङ प्रणालीका लागि अपाङ्ग समाजको ध्यानाकर्षण

१५ औँ अन्तर्राष्ट्रिय ह्विलचियर दिवसको अवसरमा अपाङ्ग समाज चितवनले नेपाल बैँकर्स एशोसिएसन बागमती प्रदेशको अध्यक्ष विष्णु रेग्मीसहितको पदाधिकारीहरुको समूहलाई भेटी पहुँचयुक्त बैंकिङ प्रणाली तथा पूर्वाधारहरुको व्यवस्थाको लागि ध्यानाकर्षण गराएको छ ।

बैँकहरुको भौतिक संरचना पहुँचयुक्त नहुँदा अपाङ्गता भएका व्यक्तिहरुको समुदायले विभेद तथा बञ्चितिमा परेको महसुस गरिरहेका छन् । बैँकको भौतिक संरचना मात्र नभई सेवाग्राहीको सहयोगी डेस्क तथा समग्र बैँकिङ सेवामा अपाङ्गता भएका व्यक्तिहरुले पहुँच पु¥याउन नसकेकोमा अपाङ् समाज चितवनले गम्भीर चिन्ता व्यक्त गरेको छ ।

बैँकद्वारा बित्तीय साक्षरता तालिममा अपाङ्गता भएका व्यक्तिको सहभागिता सुनिश्चितता गर्नुपर्ने, एटीएम बुथहरु ह्विलचियर तथा सहायक सामग्री मैत्री बनाउनुपर्ने, दृष्टि तथा श्रवणसम्बन्धी अपाङ्गता भएका व्यक्तिहरुलाई कार्यालय सहायक मार्फत् बैँकिङ सेवामा पहुँच पु¥याउनुपर्ने लगायत माग गर्दै अपाङ्ग समाज चितवनका अध्यक्ष होमनाथ अधिकारीसहितका पदाधिकारीहरुले उक्त ध्यानाकर्षण पत्र बुझाएका हुन् ।

ह्विलचियर दिवस मनाइयो

उपयुक्त व्ह्लिचियर, सुरक्षित र पहुँचयुक्त आवागमन, हाम्रो अधिकार भन्ने मूल नाराको साथ आज १५ औ अन्तर्राष्ट्रिय व्हिलचियर दिवस भरतपुरमा मनाइएको छ । अपाङ्ग समाज चितवन र सुषुम्ना नाडी घाइते मैत्रीय समाज चितवनको संयुक्त आयोजनामा भरतपुर महानगरपालिकाको प्राङ्गढमा उक्त दिवसको अवसरमा चियापान तथा शुभकामना आदानप्रदान गरी मनाइएको हो । कार्यक्रमको प्रमुख अतिथि भरतपुर महानगरपालिकाका प्रमुख प्रशासकीय अधिकृत नरेन्द्रकुमार रानाले यस दिवसले सबैमा सकारात्मक भावना, समानुभूति र सुसंस्कृत चेतनाको विकास होस् भनी शुभकामना दिएका छन् ।

आन्य समाचारहरु:-
February 25, 2024
आजदेखि २४ जिल्लामा दादुरा–रुबेला खोप अभियान

फागुन १३ । दादुरा–रुबेला खोप अभियान आजदेखि सुरु भएको छ । स्वास्थ्य तथा जनसङ्ख्या मन्त्रालयले आज देखि चैत्र ७ गतेसम्म सो खोप अभियान सञ्चालन गरेको हो । राष्ट्रिय खोप कार्यक्रम […]

February 25, 2024
नारायणगढ-मुग्लिन सडक आजदेखि बन्द नहुने

भरतपुर,फागुन १३- तुइन खोलामा पुल बनाउनका लागि पहाड काट्न सुरू भएपछि दिउँसो चार घण्टा दैनिक बन्द हुँदै आएको नारायणगढ–मुग्लिन सडक आजदेखि बन्द नहुने भएको छ । नागढुङ्गा–मुग्लिन सडक आयोजना पश्चिम […]

February 24, 2024
भरतपुर भ्रमण बर्षको तयारी तीब्रः प्रधानमन्त्रीले उद्घाटन गर्ने,सातै प्रदेशका मुख्यमन्त्रीलाई आमन्त्रण

भरतपुर,फागुन १२- भरतपुर महानगरपालिकाको आयोजनामा हुन लागेको भरतपुर भ्रमण बर्ष २०२४ को उद्घाटनको दिन नजिकिँदै गर्दा तयारी तीव्र पारिएको छ। भरतपुर महानगरका जनप्रतिनिधि ,कर्मचारीहरु र बिभिन्न समितिले भ्रमण बर्षको उद्घाटनका […]

February 24, 2024
प्रधानमन्त्रीद्वारा देशकै लामाे झाेलुङ्गे पुलकाे उद्घाटन

धनुषा – प्रधानमन्त्री पुष्पकमल दाहाल ‘प्रचण्ड’ ले कमला नदीमा निर्माण भएको देशकै लामो झोलुङ्गे पुलको उद्घाटन गर्नुभएको छ । सिरहाको सिरहा नगरपालिका–१३ मल्हनिया र धनुषाको जनकनन्दिनी गाउँपालिका–६ कठाल जोड्ने एक […]

रेडियो चितवन अन्लाईन
" पौरखीको बोली "

सम्पर्क:

+९७७ - ०५६ ५६२६०६
+९७७ - ०५६ ५६२६०७
रत्ननगर २ , आदर्श टोल, टाडी चितवन
कार्यकारी सम्पादक : 
निरु चेपाङ
प्राबिधिक : 
अनुज प्रजा
अध्यक्ष : 
राजेन्द्र कुमार श्रेष्ठ
स्टेशन प्रबन्धक : 
रमेश राना मगर
बिज्ञापनको लागि बजार प्रमुख तिलक थापा मगर :
 ०५६-५६२६०७, ९८४५०५६२२८
copyright © 2022 radiochitwanonline.com
map-markerclock linkedin facebook pinterest youtube rss twitter instagram facebook-blank rss-blank linkedin-blank pinterest youtube twitter instagram