चितवन, माघ ४ –१५ औं संस्करणको चितवन महोत्सव २०८१ को नवौं दिनसम्म आइपुग्दा ३ लाख ५० हजारले अवलोकन गरेका छन् । उद्योग वाणिज्य संघ (उवासंघ) चितवनको आयोजनामा नारायणगढस्थित नारायणी नदी […]
निर्माणाधीन आरती स्थलको बुधबार बिहान विधिवत शिलान्यास गर्दै महानगर प्रमुख दाहाल
Radio Chitwan
बुधबार, फाल्गुन १७, २०७९
चितवन। भरतपुर महानगरपालिका प्रमुख रेनु दाहालले नारायणी नदी भरतपुर महानगरपालिकाको मात्र नभएर देशकै एउटा गहना भएको बताउनुभएको छ ।
नदी किनारामा बन्न लागेको नदी संरक्षण पूर्वाधार र सोही स्थानमा निर्माणाधीन आरती स्थलको बुधबार बिहान विधिवत शिलान्यास गर्दै महानगर प्रमुख दाहालले सो कुरा बताउनुभएको हो ।
नारायणी नदी व्यवस्थापन आयोजना र सघन सहरी तथा भवन आयोजनाले संयुक्त रुपमा नारायणी नदी किनारमा आयोजना गरेको कार्यक्रममा उहाँले महानगर क्षेत्रमा एकपछि अर्को परियोजनाको लागि बजेट सुनिश्चित हुँदै आएको बताउनुभयो ।
पहिलो चरणमा ६५ किलोमिटर सडक, देवघाटको शवदाह गृह, केन्द्रीय बस टर्मिनलको व्यवस्थापनलगायत २ अर्बको परियोजना सञ्चालन भइरहँदा दोस्रो चरणमा झण्डै ५० करोड रुपियाँ बराबरको १८ किलोमिटर सडकसहित सम्भावना बोकेको नदी किनारमा ‘रिभर विच प्रोटेक्सन’समेतको काम अगाडि बढेको उहाँले जानकारी दिनुभयो ।
नदी किनारको संरचना निर्माणको कामलाई प्राथमिकतामा राख्दै असार मसान्त अगाबै काम सक्न उहाँले निर्माण कम्पनीलाई अनुरोध गर्नुभयो ।
शिलान्यास कार्यक्रममा नारायणी नदी व्यवस्थापन आयोजनाका प्रमुख गणेश मरासिनी र सघन सहरी तथा भवन आयोजनाका डिभिजनल प्रमुख प्रकाश अर्यालले आयोजनाको बारेमा जानकारी गराउनुभएको थियो ।
भरतपुर १ वडा कार्यालयदेखि नारायणी नदी पुलसम्मको ६५० मिटर नदी किनारमा निर्माण शुरु गरिएको कामको पनि महानगर प्रमुखले निरीक्षण गर्नु
भएको थियो । उक्त क्षेत्रमा शेरवालसहितको मस्याङ्दी नदीबाट ल्याइएका बोल्डर ढुंगाको वाल लगाउन लागिएको छ । १५ करोड ९२ लाख ९४ हजार रुपियाँमा डाइनामिक कन्ट्रक्सन प्रालिले २०७९ पुस ५ गते सम्झौता गरेको उक्त काम २०८१ असार ५ गते सक्ने गरी सम्झौता भएको छ ।
महानर भित्रका सडक सञ्जाल निर्माण, देवघाट बसपार्क निर्माण लगायतको काम समेत गरि ४१ करोड १९ लाख आठ हजार २७१ रुपिंयाँमा महालक्ष्मीरओम सत्य साई जेभीले नै महाआरती स्थल निर्माणको जिम्मेवारी लिएको छ । उक्त महाआरती स्थल निर्माणको लागि एक करोड ७५ लाख रुपियाँ खर्च लाग्ने अनुमान छ ।
आन्य समाचारहरु:-
चितवन महोत्सवमा भोलि भुवन प्यासी र समिक्षा अधिकारीको प्रस्तुती,साथै अन्न्य कार्यक्रम
चितवन, माघ २ –उद्योग वाणिज्य संघ (उवासंघ) चितवनद्वारा नारायणगढस्थित नारायणी नदी किनारको प्रदर्शनी मैदानमा आयोजित १५ औं संस्करणको चितवन महोत्सव उल्लासमय तरिकाले चलिरहेको छ । महोत्सवमा दिनदिनै सांस्कृतिक कार्यक्रमहरु भइरहेका […]
चितवन महोत्सवमा भोलि हिमेश पन्त र सुजिता श्रेष्ठको प्रस्तुती, अरु पनि हुँदैछन् सांस्कृतिक कार्यक्रम
चितवन, पुष २९ –उद्योग वाणिज्य संघ (उवासंघ) चितवनको आयोजनामा नारायणगढस्थित नारायणी नदी किनारको प्रदर्शनी मैदानमा १५ औं संस्करणको चितवन महोत्सव जारी छ ।महोत्सवमा दिनदिनै सांस्कृतिक कार्यक्रमहरु भइरहेका छन् । स्थानीय […]
खैरहनीमा खिचरा महोत्सवको दसौं संस्करण सुरु
खैरहनी । वागमती प्रदेशका मुख्यमन्त्री बहादुर सिंह लामाले चितवनको खैरहनीमा सोमवार खिचरा महोत्सवको दसौं संस्करण उद्घाटन गरेका छन् । थारु कल्याणकारिणी सभा चितवन क्षेत्र नं ७ ले खैरहनी नगरपालिका वडा […]
