खैरहनी नगरपालिका वडा नम्वर १३ निवासी क्यान्सर पीडित गणेश तामाङलाई आर्थिक सहयोग गरिएको छ ।

सुनचाँदी व्यवसायी महिला समुह पर्साले तामाङको उपचारका लागि १४ हजार ६३५ रुपैयाँ सहयोग गरिएको समुहकी सचिव हिमा विकले जानकारी दिईन् । खैरहनी १३ का वडाध्यक्ष कुल प्रसाद भुषालको उपस्थितीमा समुहका अध्यक्ष देविका सुनारसहितको टिमले सो रकम तामाङलाई हस्तान्तरण गरे ।

क्यान्सरबाट आमा छोरानै पीडित रहेको जानकारी पाएपछि समुहमा आवद्ध सदस्यहरुले व्यक्तीगत रकम उठाएर सहयोग गरेको अध्यक्ष सुनारले वताईन् । पाठेघरको क्यान्सरबाट थलिएकी तामाङकी आमा सुनिताको तीन दिन अघि निधन भएको थियो । रकम हस्तान्तरणमा उपस्थित वडाध्यक्ष भुषालले ठुलो खर्च लाग्ने र समयमै उपचार हुन नसक्दा नसक्दा सुनिताको निधन भएको भन्दै गणेशको उपचारमा सवैले सहयोग गरिदिन आग्रह गरे ।

आमाको उपचारका क्रममा छोरालाई समेत थाईराईड क्यान्सर देखिएको हो । उनको फागुन २ गते अप्रेसन गरिएको छ । आराम गर्नु पर्ने भएकाले आमाको किरियामा उनकी वहिनी छिन् ।