सौराहा, १६ फागुन । क्षेत्रीय होटल संघ चितवन सौराहाको अध्यक्षमा गंगा गिरी सर्वसम्मत चयन भएका छन । संघको १८औं साधारण सभा तथा नवौं अधिवेशनले गिरीको अध्यक्षतामा नयाँ कार्यसमिति चयन गरेको हो ।

नयाँ निर्वाचित समितिको उपाध्यक्षमा ओम प्रकाश पाण्डे, योगेन्द्रनाथ अधिकारी, महासचिवमा गुणराज थपलिया, सचिवमा महेश खनाल, कोषाध्यक्षमा शिवराज दुवाडी, सह कोषाध्यक्ष बविता चौधरी चयन भएका छन । समितिको सदस्यहरुमा संगम घिमिरे, रन्जन भण्डारी, बलराम अधिकारी, ध्रुवराज वाग्ले, सन्तोष गिरी, दिपक अधिकारी, गणेश दाहाल, हरि श्रेष्ठ, रामकुमार अर्याल, सौगात रिजाल, गणेश शर्मा पौडेल चयन भएका छन ।

ऋषिराम तिवारी, शिव भुषाललाई सदस्यमा मनोनित गरिएको छ । नव निर्वाचित कार्यसमितिले सोमबार नै पद तथा गोपनियताको सपथ लिएका छन । नवनिर्वाचित अध्यक्ष गिरीले सौराहाको पर्यटनलाई विकासको उच्च विन्दुमा लैजान क्रियाशिल रहने बताए । व्यवसायिक एकता,गन्तव्यको विकास र गुणस्तर सुधारमा ल्यान केन्द्रीत गरेर संघका गतिविधि अगाडि बढाउने उनको भनाई छ ।