रत्ननगर । रत्ननगरको टिकौलीचौरमा यही मंसिर २५ गते सोमबार देखि दोस्रो रत्नप्रिय कप फुटवल प्रतियोगिता हुने भएको छ । वडा नं ९ मा रहेको रत्नप्रिय क्वलको आयोजनामा प्रतियोगिता हुन लागेको […]
चितवनमा पछिल्लो समय आत्महत्या गर्नेको संख्या दैनिक बढ्दै
Radio Chitwan
आइतवार, फाल्गुन १४, २०७९
चितवनमा पछिल्लो समय आत्महत्या गर्नेको संख्या दैनिक बढ्दै गएको छ ।
जिल्ला प्रहरी कार्यालय चितवनका प्रहरी नायब उपरीक्षक विजयराज पण्डितका अनुसार पछिल्लो केही वर्ष यता आत्महत्या गर्नेको संख्या दैनिक बढ्दै गएको हो ।
उपरीक्षक पण्डितले दिएको तथ्यांकमा आर्थिक वर्ष २०७७–०७८ मा प्रहरी कार्यालयमा १८७ आत्महत्याका मुद्दा दर्ता भएका थिए । जसमा महिला ६३, पुरुष १८७, बालक चार र बालिका पाँच रहेका छन् । उनीहरु मध्ये १३ जनाले बिष खाएर, दुई जनाले आगो लगाएर, १७१ जनाले झुण्डिएर र एक जनाले पानीमा हाम फालेर आत्महत्या गरेको उनको भनाइ छ । त्यस्तै आर्थिक वर्ष २०७८–०९ मा २१४ आत्महत्याका मुद्दा जिल्लामा दिर्ता भएको छन् । जसमा महिला ८५, पुरष १२२, बालक ४ बालिका ३ रहेका छन् । उनीहरुमध्य २८ जनाले विष खाएर, १८२ ले झूण्डियर र ४ जनाले हाम फालेर आत्म हत्या गरेको उनले जानकारी दिए ।
उपरीक्षक पण्डितका अनुसार यस आर्थिक वर्षको सात महिनामा मात्रै जिल्लामा ११९ आत्महत्याका घटना दर्ता भएका छन् । जसमा महिला ३८, पुरुष ६८, बालक ३ र बालिका १० रहेका छन् । उनीहरु मध्ये १६ जनाले बिष खाएर, १ जनाले आगो लगाएर, १०१ जनाले झुण्डिएर आत्महत्या गरेको उनले जानकारी दिए ।
त्यस्तै भरतपुर अस्पतालका मानसिक रोग विशेषज्ञ सुनिलकुमार शहाले आत्महत्या विश्वभर क्रमिक रुपमा बढ्दै गएको घटना भएको जानकारी दिए । उनी भन्छन्, ‘यो नेपालको मात्रै नभएर विश्वभर दैनिकरुपमा बढ्दै गएको घटना हो । जसलाई रिस तथा आवेगमा गर्ने आत्महत्या र योजनाबद्ध आत्महत्या गरी दुई प्रकारमा विभाजन गरिएको छ । ’ विश्वको तथ्यांक हेर्दा हरेक वर्ष ८ लाख मानिसले आत्महत्या गर्छन् भने ४० सेकेन्डमा १ जनाले र एक दिनमा २० देखि २२ जनाले आत्महत्या गर्ने उनको भनाइ छ । महिला, पुरुष, बालबालिका सबैले आत्महत्या गरे पनि धेरै पुरुषले गर्ने बताउँछन् । उनी भन्छन्, ‘ धेरै महिलाले आत्महत्याको प्रयास गरे पनि पुरुष आत्महत्यामा सफल भएको कारण पुरुषको संख्या धेरै भएको हो । ’
आत्महत्याको कारण
विशेषज्ञ शाहले बढ्दो आर्थिक मन्दीका कारण, राजनीतिक कारण, कोरोना महामारीपछि समाजसँगै गतिविधि परिर्वतन हुँदा, बेरोजगारीको कारण, समाजका व्यक्तिले मानसिक रोगका बिरामीलाई हेला गर्दा मानिसले आत्महत्या रोज्ने गरेको बताए । त्यस्तै, जनचेतनामा कमी हुँदा, परिवारमा झै–झगडा हुँदा, बालबालिकालाई घर बाहिरी वतावरणमा खेल्न नदिँदा, बढी मोबाइलमा केन्द्रित हँुदा तथा मोबाइलमा विभिन्न गेम खेल्दा , मानसिक रोग सम्बन्धी ज्ञान नहुदा आत्महत्याका घट्ना बढ्ने गरेको डा शाहाले जानकारी दिएका छन् ।
आत्महत्याको रोकथामस्
मानसिक रोग विशेषज्ञ डा शाहका अनुसार सर्वप्रथम आत्महत्याका घटनालाई नियन्त्रण गर्न पहिले आफूमा भएको रोग र समस्यालाई चिन्नु र मान्न सिक्नु पर्छ । जनचेतना तथा अभिमुखीकरण कार्यक्रमको आयोजना गर्नुपर्ने र मानसिक रोग सम्बन्धि समस्या देखा परे डाक्टरसँग सल्लाहा लिनुपर्ने र नियमित उपचारमा आउनुपर्ने शाहाको भनाइ छ ।
आन्य समाचारहरु:-
उत्पादन बढेसँगै चितवनमा तरकारीको मूल्य घट्यो, काउली किलोको पाँच रुपैयाँ ...
उत्पादन बढेसँगै चितवनमा तरकारीको मूल्य घट्यो, काउली किलोको पाँच रुपैयाँ चितवन, मंसिर २१- तरकारीको उत्पादन बढेसँगै चितवनमा तरकारीको मूल्यमा भारी गिरावट आएको छ । सबैको बारीमा तरकारी उत्पादन हुन थालेपछि तिहारपछि […]
चितवनका पाँच सय भूमिहीनलाई जग्गाधनी प्रमाणपत्र वितरण गरिने
चितवनका पाँच सय भूमिहीनलाई जग्गाधनी प्रमाणपत्र वितरण गरिने चितवन, मंसिर २१- चितवन जिल्लाका पाँच सय भूमिहीन दलित, भूमिहीन सुकुम्बासी र अव्यवस्थित बसोबासीलाई जग्गा धनी प्रमाणपत्र वितरण गर्ने तयारी पूरा भएको […]
रत्ननगर मेयर कप : इच्छाकामनालाई हराउदै रत्ननगर फाइनलमा प्रवेश
रत्ननगर । रत्ननगर नगरपालिका चितवन अन्तरपालिका मेयर कप फुटबल प्रतियोगिताको फाइनलमा प्रवेश गरेको छ । रत्ननगर खेलकुद विकास समितिले नेपाल माविको खेलमैदानमा आयोजना गरेको प्रतियोगितामा इच्छाकामना गाउँपालिकालाई पराजित गर्दै रत्ननगर […]
