Listen Live: 

यातायात व्यवस्था सेवा कार्यालय बागमती प्रदेश भरतपुरले चालक अनुमति पत्र बितरणमा ढिलाइ

Radio Chitwan
बुधबार, फाल्गुन १०, २०७९

चितवन, फागुन १०–

यातायात व्यवस्था सेवा कार्यालय बागमती प्रदेश भरतपुरले चालक अनुमति पत्र बितरणमा ढिलाइ गरेको छ ।

विसं २०७९ जेठदेखि नयाँ लाइसेन्स बितरण गर्ने बताए पनि साउन, माघ, फागुन हुँदै बितरण गर्ने मिति विभिन्न कारण देखाउँदै सारेर आगामी चैतमा पु¥याएको हो ।

भवन तथा प्राविधिक कारणले समय सार्नु परेको कार्यालयका सूचना अधिकारी गोविन्दप्रसाद पौडेलले बताए । उनले भने, ‘फागुनको पहिलो हप्ता देखिनै सुरु गर्ने भनेका थियौं । तर, भवनको अभाव र प्राविधिक त्रुटिको कारणले केही समय लम्बिएको हो । सकभर यही महिनाभित्र अथवा चैतको पहिलो हप्ता भरीमा हामीले लाइसेन्स बितरण गर्ने तयारीमा छौं ।’

अहिले सेवा दिँदै आएको कार्यालयबाट सेवा दिन नसकिने हुँदा केहि समय कुर्नु परेको पौडेलको भनाइ थियो । ‘सेवा बिस्तारको लागि कार्यालयमा कोठा अभाव छ । छिट्टै हामीले भवन परिवर्तन गर्दै छौं । पहिलाको गेष्ट हाउसलाई यातायात कार्यालय बनाउने तयारीमा छौं । त्यहाँ केही काम हुँदै छ । बन्दै गरेको नयाँ भवनबाट नयाँ सवारी चालक परिचयपत्रको सेवा दिने छौं’, उनले बताए । गत माघको पहिलो सातामा सवारी चालक परिचयपत्र वितरण गर्ने भनेको यातायात कार्यालयले फागुनमा पनि बितरण गर्न नसक्ने भनेपछि फेरि चैतमा पु¥याएको हो । भरतपुरको केन्द्रीय बसपार्क पछाडि रहेको महालक्ष्मी ड्राइभिङ सेन्टरमा नयाँ लाइसेन्सको प्राविधिक परीक्षा सञ्चालन हुने जनाइएको छ ।

चार पटक सारियो मिति

विसं २०७९ जेठ दोस्रो सातादेखि चितवनमा नयाँ सवारी चालक अनुमतिपत्र दिने गरी तयारी थालिएको बताइएको थियो । तर, अदालतमा आवश्यक परीक्षास्थल छनोटको विषयमा मुद्दा परेपछि यो काम रोकिन गएको थियो ।

सर्वोच्च अदालतले चितवनबाट सवारी चालक अनुमतिपत्र ९लाइसेन्स० वितरणको प्रकृया रोक्न आदेश दिएको थियो । टेण्डर प्रकृयामा असन्तुष्ट चितवन ड्राइभिङ स्कूलले गत असार १९ गते सर्वेच्चमा मुद्दा दिएको थियो । उसले बाग्मती प्रदेशको मुख्यमन्त्री तथा मन्त्रिपरिषद्को कार्यालय, श्रमरोजगार तथा यातायात मन्त्रालय, सार्वजनिक अनुगमन कार्यालय काठमाडौँ, र यातायात व्यवस्था सेवा कार्यालय भरतपुरलाई विपक्ष बनाएको थियो । २१ गतेको अदालतको आदेशले तत्काल काम कारबाही गर्न रोक लगाएको थियो । साउनदेखि लाइसेन्स बितरण गर्ने योजनासहित अगाडि बढेको काममै अन्यौलता छाएको थियो ।

लाइसेन्स वितरणको लागि प्रयोगात्मक परीक्षास्थल छनोट सम्बन्धमा सर्वोच्च अदालतबाट जारी भएको अन्तरिम आदेशको विरूद्धमा मुख्यमन्त्री तथा मन्त्रिपरिषद्को कार्यालय र यातायात ब्यवस्था कार्यालय भरतपुरले दर्ता गरेको भ्याकेटको पक्षमा फैसला भएपछि काम अगाडि बढाउन गत असोजमा बाटो खुलेको थियो ।
यसबाट सवारी चालक अनुमतिपत्रको लागि प्रयोगात्मक परिक्षास्थल छनोटको काम अगाडि बढ्यो । तर, असोजदेखि फागुनसम्म पनि आवश्यक तयारी गर्नबाट यातायात कार्यालय चुकेको छ ।

दुईपाङ्ग्रे, तीनपाङ्ग्रे तथा चारपाङ्ग्रे साना मझौला र ठूला सवारीसाधनको चालक अनुमतिपत्र दिने भनेर पटकपटक भनिँदै आइए पनि काममा ढिलाइ भएको छ । चितवनमा धेरै सवारीसाधन गुड्ने भए पनि सवारी अनुमतिपत्र लिन हेटौँडा वा काठमाडौँ पुग्नुपर्ने बाध्यताले सेवाग्राही हैरान छन् । यस प्रदेशमा हेटौँडामा एक ठाउँ र काठमाडौँमा चार ठाउँमा सवारी चालक अनुमतिपत्र दिइँदै आएको छ ।
बागमती प्रदेशमा झण्डै १८ लाख बढी व्यक्तिसँग सवारी चालक अनुमतिपत्र भएको प्रारम्भिक तथ्याङ्क छ । यातायात कार्यालयका अनुसार वार्षिक एक लाख नयाँ अनुमतिपत्र वितरण गरिँदै आएको छ ।

आन्य समाचारहरु:-
February 23, 2024
रत्ननगरका १६ वटै वडामा अनेमसंघको नयाँ कमिटी गठन

रत्ननगर । पूर्वी चितवनको रत्ननगर नगरपालिकाका १६ वटै वडामा अखिल नेपाल महिला संघको नयाँ कमिटी गठन गरिएको छ । नेकपा एमाले निकट संघको छुट्टाछुट्टै अधिवेशन गरी वडा कमिटी गठन गरिएको […]

February 22, 2024
दैनिक चार घण्टा गाडी रोकेर काम हुँदै आएको नारायणगढ–मुग्लिन सडक आइतवारदेखि बन्द नहुने

चितवन । दैनिक चार घण्टा सवारी रोकेर पुल निर्माणका लागि भित्तो काटिँदै आएको नारायणगढ–मुग्लिन सडकखण्ड फागुन १३ गतेदेखि बन्द नगरिने भएको छ । तेस्रो पटक थपेको म्याद यही फागुन १२ […]

February 18, 2024
पिठुवा खानेपानीकाे अध्यक्षमा हरिकुमार श्रेष्ठ विजयी 

रत्ननगर । पिठुवा खानेपानी तथा सरसफाई उपभाेक्ता संस्थाकाे अध्यक्षमा हरिकुमार श्रेष्ठ निर्वाचित भएका छन् ।छैठाैं बार्षिक साधारण सभा तथा तेस्राे अधिवेशन अन्तर्गत आइतबार भएकाे निर्वाचनमा निकटतम प्रतिद्धन्द्धी बासुदेव शर्मा लामिछानेलाई […]

February 18, 2024
बाघमारा वनमा विषादी न्यूनीकरण सम्बन्धी सचेतनामुलक प्रशिक्षण

रत्ननगर । रत्ननगर वडा नं ७ स्थित बाघमारा सामुदायिक वन उपभाेक्ता समुहका उपभाेक्ताहरुलाई विषादी न्यूनीकरण सम्बन्धी प्रशिक्षण दिइएकाे छ । वनका उपभाेक्ता किसानलाई प्राङ्गारिक मलकाे प्रयाेगमा प्रेरित गर्दै विषादी न्यूनीकरणकाे […]

रेडियो चितवन अन्लाईन
" पौरखीको बोली "

सम्पर्क:

+९७७ - ०५६ ५६२६०६
+९७७ - ०५६ ५६२६०७
रत्ननगर २ , आदर्श टोल, टाडी चितवन
कार्यकारी सम्पादक : 
निरु चेपाङ
प्राबिधिक : 
अनुज प्रजा
अध्यक्ष : 
राजेन्द्र कुमार श्रेष्ठ
स्टेशन प्रबन्धक : 
रमेश राना मगर
बिज्ञापनको लागि बजार प्रमुख तिलक थापा मगर :
 ०५६-५६२६०७, ९८४५०५६२२८
copyright © 2022 radiochitwanonline.com
map-markerclock linkedin facebook pinterest youtube rss twitter instagram facebook-blank rss-blank linkedin-blank pinterest youtube twitter instagram