Listen Live: 

बुटवल नारायणगढ चारलेन सडक निर्माणमा २६ प्रतिशत प्रगति हासिल

Radio Chitwan
बुधबार, फाल्गुन १०, २०७९

नवलपुर । पूर्व–पश्चिम महेन्द्र राजमार्गअन्तर्गत बुटवल नारायणगढ चारलेन सडक निर्माणमा २६ प्रतिशत प्रगति हासिल भएको छ ।

कावासोतीमा भएको कार्यालय प्रमुखहरुको एक बैठकमा सडक आयोजनाका इन्जिनियर धीरज ढकालले सो जानकारी दिएका हुन् । राष्ट्रिय गौरवको सडक निर्माणको ठेक्का पाएको चिनियाँ कम्पनी चाइना स्टेट कन्स्ट्रक्सन इन्जिनियरिङ कर्पोरेसनले थप गरिएको परीक्षण अवधिको करिब ४ महिनामा कार्यप्रगति मासिक २ प्रतिशतले वृद्धि गर्दै लगेको छ ।

चाइना स्टेटले गत साउन २२ भित्र काम सम्पन्न गर्ने गरी आव ०७५÷७६ मा चारलेन सडक निर्माणको ठेक्का सम्हालेको थियो । तोकिएको समयमा काम नसकेपछि कम्पनीलाई सन्तोषजनक कार्यप्रगति देखाउने सर्तमा ३ सय ८४ दिनको समयसीमा पुनः थप गरिएको हो ।

सडक निर्माणका क्रममा चारलेन सडकअन्तर्गतका १२ ठूला पुलमध्ये सबैमा फाउन्डेसन, फाइल फाउन्डेसनको काम सकिनै लागेको, सवस्ट्रक्चर तथा सुपर स्ट्रक्चरको काम भइरहेको बताइएको छ । यसैगरी, माइनर ब्रिज २२ मध्ये १५ वटा सकिएको र ५ पुलमा निर्माण कार्य भइरहेको इन्जिनियर ढकालले बताए । कल्भर्टहरुमा २ सय १५ मध्ये ९३ कल्भर्ट निर्माणको काम सकिनुका साथै ४२ वटा निर्माणाधीन अवस्थामा रहेको बताइन्छ ।

यसका साथै हाल सडकका कतिपय ठाउँमा माटो पुर्ने, सम्याउने तथा मिलाउने काम भएको हुँदा लोकाहा पुलदेखि डण्डा पश्चिमको पथ्थर खोलासम्मको करिब ८ किमी क्षेत्रमा बेस तथा सवबेसको काम भइरहेको ढकालले बताए । उनले बताएअनुसार निर्माण कार्यमा आशातीत प्रगति नदेखिए पनि सडकमा निरन्तर काम भइरहेको र हाल माटो तथा निर्माण सामग्रीलगायत कुनै समस्या तथा बाधा, अवरोध रहेको छैन ।

यद्यपि, सडक निर्माणको गति देखेर स्थानीयहरु अत्ताल्लिएका छन् । विभिन्न बहाना बनाई पहिलोपटकको म्याद गुजारेको सडक निर्माण कम्पनीले उही कछुवा गति जारी राखे चारलेन सडक सम्पन्न हुन झन्डै थप ३ वर्ष लाग्ने जानकारहरु बताउँछन् । सहरी क्षेत्रमा ६ लेन, वन तथा खाली ठाउँमा ४ लेन र दाउन्ने पहाडमा ३ लेन रहने गरी डिजाइन भएको यो सडकको दाउन्ने क्षेत्रमा भित्तो खोतलेर सडक चौडा पार्ने काम भइरहेको छ ।

यसैबीच, नारायणगढदेखि दाउन्नेसम्म करिब ६४ किमी सडक समयमा नबन्दा स्थानीय बजार तथा सडकछेउका बासिन्दा र यात्रुहरु विगत ४ वर्षदेखि धुलैधुलोले पिरोलिएका छन् । निर्माण कम्पनीले पुनः ठेक्का नपाउँदासम्म परीक्षण र कार्यप्रगति देखाउने बहानामा सडकमा पानी छर्केर धुलो हटाए पनि हाल पानी हाल्ने काम सुस्ताएको छ ।

सडकमा समय–समयमा पानी नहाल्दा धुलो उडेर सडकमा हिँड्दै गरेका सवारीसाधन एकअर्कोबीच नै नदेखिने स्थिति बनेको चालकहरु बताउँछन् ।

आन्य समाचारहरु:-
April 21, 2024
रत्ननगरमा बालअधिकारका लागि चर्चा र जागरुकता

रत्ननगर । चितवनको रत्ननगरमा बाल अधिकारको विषयमा चर्चा गर्दै योजना कार्यान्वयको लागि जागरुकताका लागि आइतबार अन्तरक्रिया कार्यक्रम गरिएको छ । रत्ननगर नगरपालिका महिला बालबालिका तथा ज्येष्ठ नागरिक शाखाले बालमैत्री निरन्तरता […]

April 21, 2024
रत्ननगरका संस्थागत विद्यालयलाई भर्ना शुल्क नलिन नगरपालिकाे पत्रचार

रत्ननगर । चितवनकाे रत्ननगर नगरपालिका भित्र रहेका संस्थागत विद्यालयहरुलाई भर्ना शुल्क नलिन नगरपालिकाले निर्देशन दिएकाे छ ।  कार्यपालिकाको  बैशाख ९ गतेकाे निर्णय र नगर  शिक्षा ऐन २०७४ संशोधन सहितको दफा […]

April 20, 2024
चितवनको रत्ननगर वडा नं ५ मा शनिबार आयोजना गरिएको निःशुल्क स्वास्थ्य शिविरमा २६४ जनाले सेवा लिगेका छन ।

रत्ननगर । शिविरमा छालाराेगका २१ जना , बालराेगका ३१ जना, स्त्रीराेगका २२ र हाड जाेर्नी राेगका १९० जना गरि  २६४ जनाले स्वास्थय परिक्षण गराएका हुन। भने  १२२ जनाले प्रयोगशाला सेवाकाे […]

April 20, 2024
समाजवादी प्रेस संगठनद्धारा अन्तरक्रिया र सम्मान कार्यक्रममुलुकलाई उकुसमुकुसबाट निकाल्नुपर्छ : महासचिव भुसाल

बुटवल, बैशाख ८ । नेकपा एकीकृत समाजवादीका महासचिव एवं पूर्वमन्त्री घनश्याम भुसालले मुलुकलाई उकुसमुकुसबाट बाहिर निकाल्नका लागि नेकपा एकिकृत समाजवादी निर्णायक हुने बताएका छन् । उनले आफूहरु अंकगणितको हिसाबले सानो […]

रेडियो चितवन अन्लाईन
" पौरखीको बोली "

सम्पर्क:

+९७७ - ०५६ ५६२६०६
+९७७ - ०५६ ५६२६०७
रत्ननगर २ , आदर्श टोल, टाडी चितवन
प्राबिधिक : 
अन्जन थापा मगर
अध्यक्ष : 
राजेन्द्र कुमार श्रेष्ठ
स्टेशन प्रबन्धक : 
रमेश राना मगर
बिज्ञापनको लागि बजार प्रमुख तिलक थापा मगर :
 ०५६-५६२६०७, ९८४५०५६२२८
copyright © 2022 radiochitwanonline.com
map-markerclock linkedin facebook pinterest youtube rss twitter instagram facebook-blank rss-blank linkedin-blank pinterest youtube twitter instagram