चितवन। भरतपुर महानगरपालिकाका उपप्रमुख चित्रसेन अधिकारीले भरतपुर महानगरपालिका सबै जात जातिको साझा थलो भएको बताउनु भएको छ । भरतपुरमा सबै जात जाती, धर्म सस्कृती र रितिरिवाज भएका समुदायका मानिसहरुको बसोबास छ, त्यसैले भरतपुर सबैको साझा फुलबारी हो उपप्रमुख अधिकारीले भन्नू भयो ।

नेवा देय दबु चितवनको गुठि, समाज, खलस् पुचस्हरुको अन्तरक्रिया कार्यक्रमलाई आज भरतपुरमा सम्बोधन गर्दै उप प्रमुख अधिकारीले सयपत्रि फुलको मालामा जस्तै भरतपुरमा धेरै समुदायका मानिसहरुको बसोबास रहदै आएको प्रष्ट पार्नु भयो । भरतपुर महानगरपालिकाले सबै समुदायका मानिसहरूलाई एक सिक्काको दुई पाटाका रुपमा स्थापित गराउन सफल भएको बताउदै चितवन जिल्ला साच्चिकै ७८ औ जिल्लाको रुपमा परिचित भएको समेत टिप्पणी गर्नु भयो ।

भरतपुर महानगर त्यस्तो एक मात्र महानगरपालिका हो जसमा ७७ जिल्लाका सबै समुदायका मानिसहरुको बसोबास रहेको छ उप प्रमुखले भन्नू भयो,त्यसैले हाम्रो महानगर देशकै ६ वटा महानगर मध्येमा भाग्यमानी र विकसित छ । यो देशको मुल ढुकुटी अझै पनि नेवार समुदायको हातमा रहेको उल्लेख गर्दै उहाँले आफ्नो अधिकार प्राप्तिका लागी सधै तल्लीन भएर लाग्न नेवार समुदाय लाई आग्रह पनि गर्नु भयो ।

अन्तरक्रिया कार्यक्रममा बोल्ने अधिकाश बक्ताहरुले नेवारी भाषा, कला र सस्कृतिको सरक्षण गर्नु पर्नेमा जोड दिएका छन ।

कार्यक्रममा भरतपुर १२ का अध्यक्ष लेखराज पन्त हरि,नेवा देय दबु केन्द्रिय वरिष्ठ उपाध्यक्ष चन्द्रलाल श्रेष्ठ,सदस्य हरि कुमार श्रेष्ठ लगायतले मन्तव्य व्यक्त गर्नु भएको थियोे ।