Listen Live: 

चितवनका पोखरीहरू आकर्षणको केन्द्र

Radio Chitwan
सोमवार, फाल्गुन ८, २०७९

चितवन । चितवनका पोखरीहरू आकर्षणको केन्द्र बन्न थालेका छन् । चितवन राष्ट्रिय निकुञ्जभित्र र आसपासमा रहेका पोखरी पछिल्लो समय आन्तरिक तथा बाह्य पर्यटकको गन्तव्य बन्दै गएका छन् ।

५२ पोखरी ५३ ताल भनेर चिनिने निकुञ्जभित्र ठूला पोखरी ५० वटाभन्दा धेरै रहेको चितवन राष्ट्रिय निकुञ्जका सूचना अधिकारी गणेशप्रसाद तिवारीले जानकारी दिनुभयो । उहाँले भन्नुभयो, “निकुञ्जभित्र साना र ठूला गरेर मात्र सयभन्दा धेरै पोखरी रहेका छन् । केही पोखरी मध्यवर्ती वन क्षेत्रमा छन्, त्यसको सञ्चालन र संरक्षण समुदायले गर्दै आएका छन् ।”

पोखरीलाई व्यवस्थित पार्दै पर्यटक आउने वातावरण निर्माण गरेको उहाँले बताउनुभयो । विश्व सिमसार क्षेत्रमा सूचीकृत बीस हजारी ताल, बाटुलेपोखरी, राइनो ताल र मध्यवर्ती क्षेत्रभित्र पर्दछन् ।

निकुञ्जभित्र रहेको ठूलो पोखरीमा लामीताल, तमोर ताल, कमल पोखरी, देवी ताल, सूर्य पोखरीलगायतका छन् । यी सबै ताल पर्यटकको आकर्षणको केन्द्र बन्दै गएका छन् । भरतपुरबाट नजिकै रहेको बीस हजारी ताल र बाटुले पोखरीमा चरा, घडियाल गोही सजिलै देख्न सकिन्छ भने पानी खानका लागि आउने एकसिङ्गे गैँडा, मयूरलगायत विभिन्न प्रजातिका जलचर र स्थल प्राणीहरू देख्न पाइने भएकाले यहाँ पर्यटकको भीड लाग्ने गरेको छ ।

मध्यवर्तीभित्रका पोखरीहरूमा त्यहाँका समुदायले टिकटको व्यवस्था गरेर प्रवेश गर्न दिएका छन् । ती पोखरीमा डुङ्गा सयरसँगै आसपासको क्षेत्रमा आराम गर्ने कुर्सी तथा सुविधासम्पन्न शौचालयको व्यवस्था गरिएको छ । निकुञ्जभित्रका पोखरीहरूमा अनुमतिबिना प्रवेश गर्न दिने नगरिएको सूचना अधिकारी तिवारीले जानकारी दिनुभयो ।

शान्त वातावरण हुने भएकाले पोखरी पर्यटकको रोजाइ बनेको स्थानीय जानुका पौडेलले बताउनुभयो । प्राकृतिक वातावरण मन पराउनेहरूको रोजाइ पोखरी र ताल भएको बाटुलेपोखरी मध्यवर्ती सामुदायिक वनका अध्यक्ष ज्ञानु सुनारले बताउनुभयो । उहाँले भन्नुभयो, “सार्वजनिक बिदाको दिनमा दैनिक पाँच सय जनासम्म आउने गर्नुभएको छ, भिडियो सुटिङका लागि आउने पनि छन् । प्रवेश शुल्कबाट प्राप्त रकमले यहाँ संरचना निर्माण गरेका छौ  ।”

पोखरीमा डुङ्गाको व्यवस्था छ, धेरै चरा देखिन्छ, साँझ, बिहान गैँडा मयूरलगायतका जनावर देखिने भएकाले यसको अलग्गै महत्व भएको उहाँले बताउनुभयो । “महिला अध्यक्ष भएको वनले प्रगति गर्न सक्दैन भन्नेहरू थिए, अहिले काम गरेर देखाएपछि सबैले तारिफ गर्न थालेका छन्,” अध्यक्ष सुनारले भन्नुभयो ।

निकुञ्ज र यस आसपासमा रहेका पोखरीलाई पर्यटकीय केन्द्रका रूपमा विकास गर्दै लगेको मध्यवर्ती क्षेत्र विकास समितिका अध्यक्ष प्रकाश ढुङ्गानाले बताउनुभयो । तर चितवन निकुञ्जको आसपासमा धेरै यस्ता आकर्षक गन्तव्य छन् । ती स्थानको प्रचारप्रसारको अभावमा ओझेलमा परेका छन् । पश्चिम चितवनको रानीपोखरी अर्को केन्द्र हो । बस्तीको बीच भागमा रहेको यो पोखरीको संरक्षण र प्रचारमा भरतपुर महानगरले लगानी गरेको छ । महानगरभित्रका पर्यटकीय गन्तव्यमा रानीपोखरीलाई पनि समावेश गरिएको छ ।

आन्य समाचारहरु:-
July 15, 2024
नारायणगढ–मुग्लिङ सडकको माथिल्लो भागको पहिरो नियन्त्रणका लागि दीर्घकालीन योजना नहुँदा हरेक वर्ष जनधनको ठुलो क्षति हुने गरेको छ ।

नारायणगढ– दुई लेनको सडकसँगै १९ वटा पुल निर्माणका लागि अर्बौं रुपियाँ खर्च गरिएको नारायणगढ–मुग्लिङ सडकमा पहिरो नियन्त्रणका लागि छिटपुटबाहेक दीर्घकालीन योजना अघि बढ्न सकेको छैन ।यो समाचार गोरखापत्र दैनिकमा छ, […]

July 14, 2024
राप्तीका उपमेयरले गरे मेयरको गाडी तोडफोड गर्नेलाई कारबाहीको माग

राप्ती । चितवनको राप्ती नगरपालिकाका मेयर शमशेर लामा चढेको गाडी तोडफोड गर्ने समुहको पहिचान गरी कारबाही गर्न माग गरिएको छ । सोही नगरपालिकका उपमेयर देवेन्द्र लामाले आइतबार एक विज्ञप्ती जारी […]

July 13, 2024
रत्ननगर खानेपानी उपभोक्ताको संख्या १४ हजार, ९ सय ६५ नयाँ उपभोक्ता थपिए

रत्ननगर । रत्ननगर खानेपानी तथा सरसफाई उपभोक्ता संस्थाको कुल उपभोक्ताको संख्या १४ हजार भन्दा बढी पुगेको छ । एक वर्षको अवधिमा ९ सय ६५ जना नयाँ उपभोक्ता थपिएसँगै उपभोक्ताको संख्या […]

July 12, 2024
शैक्षिक गुणस्तर सुधारका लागि बछाैली माविमा अन्तरक्रिया

साैराहा । रत्ननगर नगरपालिका वडा नं.६ बछाैलीमा रहेकाे बछाैली माविले  विद्यालयमा शैक्षिक  सुधारका लागि अन्तरक्रिया गरेको छ। विद्यालयमा अतिरिक्त कक्षा संचालन गर्न  र शैक्षिक गुणस्तर सुधारका लागि विधालय व्यवस्थापन समितिले […]

रेडियो चितवन अन्लाईन
" पौरखीको बोली "

सम्पर्क:

+९७७ - ०५६ ५६२६०६
+९७७ - ०५६ ५६२६०७
रत्ननगर २ , आदर्श टोल, टाडी चितवन
प्राबिधिक : 
अन्जन थापा मगर
अध्यक्ष : 
राजेन्द्र कुमार श्रेष्ठ
स्टेशन प्रबन्धक : 
रमेश राना मगर
बिज्ञापनको लागि बजार प्रमुख तिलक थापा मगर :
 ०५६-५६२६०७, ९८४५०५६२२८
copyright © 2022 radiochitwanonline.com
map-markerclock linkedin facebook pinterest youtube rss twitter instagram facebook-blank rss-blank linkedin-blank pinterest youtube twitter instagram