Listen Live: 

खाद्य प्रविधि तथा गुण नियन्त्रण डिभिजन कार्यालय भरतपुरले बिगत ६ महिनामा २० पटक खाद्य बजारको अनुगमन

Radio Chitwan
बुधबार, फाल्गुन ३, २०७९

चितवन, फागुन ३(

खाद्य प्रविधि तथा गुण नियन्त्रण डिभिजन कार्यालय भरतपुरले बिगत ६ महिनामा २० पटक खाद्य बजारको अनुगमन गरेको छ ।

कार्यालयले सार्वजनिक गरेको अर्ध वार्षिक प्रगति विवरणमा प्रथम त्रैमासिकमा १० वटा र दोस्रो त्रैमासिकमा १० वटा खाद्य बजार अगनुमगन गर्ने लक्ष्य राखिएकोमा सबै लक्ष्य पूरा भएको उल्लेख गरिएको हो ।

विवरणमा नागरिकले साउनदेखि पुससम्ममा नागरिकले खाद्यान्नबारे गुनासो वा उजुरी गरेपछि गरिने द्रुत बजार अनुगमन बिगत ६ महिनामा आठ पटक गरिएको छ । त्यस्तै दाना बजार अनुगमन १२ पटक, होटल तथा रेष्टुरेन्ट अनुगमन २४ पटक, खाद्य उद्योग अनुगमन १० पटक, सडकमा राखिने खाद्यान्नको एक पटक अनुगमन गरिएको उल्लेख गरिएको छ ।

त्यसैगरी चितवनमा विभिन्न ठाउँमा लाग्ने हाटबजार र महोत्सवहरुको यस अवधिमा चारपटक, संवेदनशिल खाद्य पदार्थ दूध तेल र पानीलगायतको उद्योगमा यस अवधिमा ६ पटक अनुगमन गरिएको खाद्य नियन्त्रण तथा गुण नियन्त्रण कार्यालयको प्रतिवेदनमा उल्लेख छ ।

प्रतिवेदनमा चितवनको बजारमा भेटिएको एउटा कम्पनीको मह र चियामा न्यून गुणस्तर पाइएको जनाइएको छ । ती कम्पनीहरु दुवै काठमाडौँको भएकोले प्रारम्भिक अनुसन्धानपछि मुद्दा दर्ताको लागि काठमाडौँ पठाइएको खाद्य प्रविधि तथा गुण नियन्त्रण डिभिजन कार्यालयका प्रमुख घननाथ अधिकारीले जानकारी दिए । उनले बजारमा अनुगमनमा सामान्य गल्ती देखिएमा सचेत गराउने र गम्भीर त्रुटि गरेको पाइएमा मुद्दा दर्ता गर्ने प्रक्रिया अघि बढाइने गरेको बताए । उनले गुणस्तरहिन मह र चियाले उपभोक्ता ठगिएको पाइएपछि मुद्दा दर्ताको लागि काठमाडौँ पठाइएको जानकारी दिए । काठमाडौँमा मुद्दा दर्ता गरेपछि मात्र ती कम्पनीको मह र चियाको नाम सार्वजनिक गर्ने प्रमुख अधिकारीले बताए ।

आन्य समाचारहरु:-
September 20, 2023
आज संविधान दिवसः संविधान निर्माण भएर कार्यान्वयनमा आएको आठ वर्ष पूरा

काठमाडौँ, असोज ३- संविधान दिवस, २०८० आज देशभर विभिन्न कार्यक्रम गरी मनाइँदैछ । देशभरका सरकारी तथा निजी कार्यालय, विदेशस्थित कूटनीतिक नियोग, राजनीतिक दल, नागरिक समाज, सङ्घसंस्थालगायतले विभिन्न कार्यक्रम गरी संविधान […]

September 18, 2023
चितवनमा २ हजार किलो भारतीय अवैध माछा नष्ट

चितवन, असोज १- चितवनमा २ हजार किलो भारतीय अवैध माछा नियन्त्रणमा लिएर नष्ट गरिएको छ । आइतवार सुरक्षाकर्मीको सहयोगमा अवैध माछा बोकेको लु ३ च १७९४ नम्बरको बोलेरो रामनगरबाट नियन्त्रणमा […]

September 18, 2023
आज हरितालिका (तीज) व्रतः ‘महिला, पुरुष दुवैले गर्नुपर्छ’

काठमाडौँ, असोज १- धर्मशास्त्रीय रुपमा महिला, पुरुष दुवैले हरितालिका (तीज) को व्रत गर्नुपर्ने भए पनि सामाजिक चर्चा भने महिलाले श्रीमान्को दीर्घायुको कामनाका लागि गर्ने बुझाइ छ । व्रत गर्ने पुरुषले […]

September 16, 2023
उत्कृष्ट समिति र भातृ संस्थालाई मगर संघको सम्मान

नारायणगढ । नेपाल मगर संघ चितवनले कार्यसम्पादनमा उत्कृष्ट भएका प्रारम्भिक समिति तथा भातृ संगठनलाई सम्मान गरेको छ । शनिबार नारायणगढमा भएको ४२औं साधारण सभामा प्रारम्भिक समिति तथा भातृ संगठनहरूलाई भरतपुर […]

रेडियो चितवन अन्लाईन
" पौरखीको बोली "

सम्पर्क:

+९७७ - ०५६ ५६२६०६
+९७७ - ०५६ ५६२६०७
रत्ननगर २ , आदर्श टोल, टाडी चितवन
कार्यकारी सम्पादक : 
निरु चेपाङ
प्राबिधिक : 
अनुज प्रजा
अध्यक्ष : 
राजेन्द्र कुमार श्रेष्ठ
स्टेशन प्रबन्धक : 
रमेश राना मगर
बिज्ञापनको लागि बजार प्रमुख तिलक थापा मगर :
 ०५६-५६२६०७, ९८४५०५६२२८
copyright © 2022 radiochitwanonline.com
map-markerclock linkedin facebook pinterest youtube rss twitter instagram facebook-blank rss-blank linkedin-blank pinterest youtube twitter instagram