रत्ननगर । चितवनको पर्यटकीय नगरी सौराहामा सहकारीका सदस्यहरुलाई साक्षरता विकास तालिम दिइएको छ । चितवन जिल्ला बचत तथा ऋण सहकारी संघको सहकार्यमा रत्ननगर २ मा रहेको पेवा बचत तथा ऋण सहकारी संस्था लि।, एकीकृत बचत तथा ऋण सहकारी संस्था लि।रौतहटको सयुंक्त आयोजनामा सहकारीका सदस्यहरुलाई तालिम दिइएको हो ।

दुई दिन सम्म सञ्चालन भएको संघका तालिम अधिकृत उमेश कोइरालाले सहजीकरण गरेका थिए । तालिममा पेवा र एकीकृत साकोसका पदाधिकारी, सञ्चालक समिति, सल्लाहकार, उपसमिति र सदस्यहरु गरी ५४ जनाको सहभागिता रहेको कार्यक्रमको संयोजक ठाकुर प्रसाद पन्तले जानकारी दिए ।

चितवन जिल्ला बचत तथा ऋण सहकारी संघकी अध्यक्ष विद्या कोइराला प्रमुख अतिथि रहेको सो कार्यक्रमको अध्यक्षता पेवा साकोसका अध्यक्ष नवराज तिमल्सिना र एकीकृत साकोसको अध्यक्ष कृष्ण बहादुर खड्काले संयुक्त रुपमा गरेका थिए ।

जिल्ला बचत संघको कोषाध्यक्ष गोबिन्द भट्टराई समेतको उपस्थिति रहेको सो कार्यक्रम पेवा साकोसको कोषाध्यक्ष अरूण कुमार शिवाकोटीले सञ्चालन गरेका थिए ।