चितवन, माघ ८(

भरतपुर महानगरपालिकामा मेलमिलापसम्बन्धी आठ दिने तालिम सुरु भएको छ ।

भरतपुरका उपमेयर तथा न्यायिक समितिका संयोजक चित्रसेन अधिकारीले तालिमको उद्घाटन गरेका हुन् । तालिमको उद्घाटन गर्दै उपमेयर अधिकारीले महानगरको न्यायलाई सबैको पहुँचमा पु¥याउने विश्वास समेत दिलाए । उनले अन्यायमा परेका सबै नागरिकले अब न्याय पाउने बताए । उनले भने, ‘अब न्याय नपाएर अब कोही पनि अन्यायमा पर्ने छैन । न्यायको अनुभूति सबै नागरिकले पाउने गरी महानगरले काम गरिरहेको छ । ’

उनले देशका ७५३ स्थानीय तह मध्येमा भरतपुर महानगरपालिकालाई उत्कृष्ट बनाउने गरी तालिमको आयोजना गरिएको पनि उल्लेख गरे । ‘यो तालिम पश्चात् मेलमिलापकर्ताहरुको माध्यमबाट अब भरतपुर महानगरबासी आमनागरिकहरुले न्याय पाउनु हुने छ भन्नेमा म पूर्ण विश्वस्त समेत रहेको छु’ उपमेयरले भने । विवाद रहित समाजको निर्माण गर्न यो तालिम कोशे ढुंगा सावित हुने पनि अधिकारीको टिप्पणी छ । भरतपुर महानगरपालिकाले सुशासन तथा विकास प्रतिष्ठान काठमाडौको प्राविधिक सहयोगमा माघ ९ गते देखि १६ गतेसम्म आठ दिवसीय ९४८ घण्टे० आधारभूत तालिमको आयोजना गरेको हो । तालिममा भरतपुर महानगरपालिकाको वडा १ नम्बर देखि १६ नम्बर सम्मका नयाँ मेलमिलापकर्ताहरु सहभागी भएका छन ।

२४ वटा वडा कार्यलयहरुबाट सिफारिस भइ आएका मेलमिलापकर्ताहरुलाइ दुई चरणमा बिभाजन गरी तालिम प्रदान गरिएको कानुनी मामिला शाखाका कृष्णप्रसाद सापकोटाले जानकारी दिए । समाजमा हुने गरेका हरेक घटनाहरुलाई मेलमिलाप पद्धतिबाट न्यायिक निरोपण गर्नु पर्ने भएकोले यो तालिम आयोजना गरिएको भरतपुर महानगरपालिकाले जनाएको छ ।

तालिमको उद्घाटन कार्यक्रममा सुशासन तथा विकास प्रतिष्ठान काठमाडौका प्रमुख महेन्द्र लम्सालले मेलमिलापको माध्यमबाट स्थानीयस्तरमा हुने गरेका विवादहरुलाइ न्यायिक निरोपण गर्न यसले महत्पूर्ण भूमिका निर्बाह गरेको बताए । यस्तै भरतपुर महानगरका कानुनी सल्लाहकार गोपीलाल देवकोटाले ससाना मुद्दाहरुलाई तल्लो तहबाटै समाधान गर्ने काम मेलमिलाप समिति मार्फत हुँने हुँदा यस्तो खालको तालिम आयोजना गरिएको प्रष्ट पारे । साथै उनले मधस्तकर्ताको रुपमा मेलमिलाप समितिले काम गर्ने तथा न्याय सम्पादन गर्ने सवालमा मेलमिलापकर्ताहरुको महत्वपूर्ण भूमिका रहने पनि बताए । यस अघि महानगरले २९ वटै वडामा स्थलगत अनुगमन तथा मेलमिलाप कर्ताहरुलाइ निर्देशन एवम् मेलमिलापकर्ताहरुको विवरण अध्याबधिक गरेको थियोे ।