माडी । माडीस्थित नेपाल रेडक्रस सोसाइटी गर्दी उपशाखाको सभापतिमा हेमलाल ढकाल निर्वाचित भएका छन् ।

ढकालले आफ्ना निकटतम प्रतिस्पर्धी बिन्दु महतोलाई पराजित गर्दै सभापति पदमा निर्वाचित भएका हुन् । निर्वाचित ढकालले १२७ मत ल्याउँदा अर्का प्रत्यासी बिन्दु महतोले ९५ मत पाएका थिए ।

गत पुस २९ मा उद्घाटन भएको उपशाखाको २४औँ वार्षिक साधारण सभा तथा सातौँ अधिवेशनमा पदाधिकारी चयनमा सहमति हुन नसकेपछि शनिबारका लागि निर्वाचनको मिति तय गरिएको थियो ।

त्यसैगरी आफ्ना निकटतम प्रतिस्पर्धी विष्णुकुमारी सुवेदीलाई पराजित गर्दै उपशाखाको उपसभापतिमा पार्वती लामिछाने चयन भएकी छन् उनले १०७ मत ल्याएका थिए ।

भने आफ्ना निकटतम प्रतिस्पर्धी ईश्वरीप्रसाद ढकाललाई पराजित गर्दै १०९ मतका साथ सीता तिमिल्सिना, सचिवमा १२४ मतका साथ लोकराज पोख्रेललाई पराजित गर्दै भोलानाथ पौडेल सह–सचिवमा, ११३ मतका साथ सुवास पौडेललाई पराजित गर्दै लक्ष्मी कँडेल पाठक कोषाध्यक्ष पदमा निवाचित भएका छन् ।

उपशाखाको उपकोषाध्यक्षमा श्यामप्रसाद पराजुली तथा सदस्यहरुमा रामलाल चौधरी, विष्णुकुमार महतो, सुरेश अधिकारी र विक्रमप्रसाद महतो भने गत पुस २९ गते नै निर्विरोध निर्वाचित भइसकेका थिए ।