Listen Live: 

चितवनमा मापदण्डविपरीत पशुपन्छी ढुवानी गर्ने १२ सवारीसाधन कारबाहीमा

Radio Chitwan
बिहिबार, माघ ५, २०७९

चितवन, माघ ५(

चितवनमा मापदण्डविपरीत पशुपन्छी ढुवानी गर्ने १२ सवारीसाधन कारबाहीमा परेका छन् ।

चालु आर्थिक वर्षको ६ महिनामा १२ सवारीसाधनले मापदण्डविपरीत पशु ढुवानी गरेको पशु क्वारेन्टाइन चेक पोष्ट रामनगर चितवनका प्रमुख शिरिश गौतमले जानकारी दिए । उनले चालु आर्थिक वर्ष २०७९्८० को साउनमा एक, भदौमा तीन, असोजमा चार, कात्तिकमा एक, मङ्सिरमा एक, पुसमा दुईवटा सवारीसाधन कारबाहीमा परेको बताए ।

उनले क्वारेन्टाइन चेकपोष्टको बाटो भएर मात्र पैठारी गर्नुपर्ने नियम उल्लङ्घन गर्ने व्यक्तिलाई २५ हजार रुपैयाँसम्म जरिवाना हुन सक्ने र यदि त्यस्ता वस्तुमा रोग लागेको पाइएमा दोब्बर सजाए हुन सक्ने बताए । मापदण्डविपरीत ढुवानी गर्ने व्यक्ति वा फार्मलाई दण्ड वा जरिवाना गरेवापत चालु आवको पुससम्ममा ४० हजार रुपैयाँ राजस्व संकलन गरिएको गौतमले जानकारी दिए । उनले भने, ‘पशुपन्छी ढुवानी गर्दा नाकमा डोरी लगाउने, चेकपोष्टमा दरपिट नगरी आउनु, क्षमताभन्दा बढी पशु ढुवानी गर्नु, ठूला पशुहरु एकै ठाउँमा राखी ढुवानी गर्ने लगायतका कुरालाई पशु ढुवानी मापदण्डविपरीत मानिन्छ ।’ उनका अनुसार पशु चिकित्सकसँग पशु स्वास्थ्य जाँच गराएको प्रमाणपत्रको अवधि ७२ घण्टा नाघेको हुनुहुँदैन । उनले चालु आवको हालसम्ममा स्वास्थ्य जाँच नगरिकन पशु ढुवानी गर्ने अहिलेसम्म नपाइएको बताउँँदै यदि स्वास्थ्य जाँचविपरीत आएको खण्डमा पशुपन्छीलाई चेकजाँच गर्ने अथवा क्वारेन्टाइनमा राख्ने बताए ।

चालु आर्थिक वर्षको पशुपन्छी ढुवानी

मासु प्रयोजनका लागि नवलपुर, नेपालगञ्ज कैलाली रुपन्देही, बारा, पर्सा, रौतहटबाट ल्याइएका पशुपन्छीहरुलाई रामनगर क्वारेनटाइन चेकपोष्टमा चेकजाँच गराई अन्य जिल्लामा पशुपन्छी आयत हुने गौतमले जानकारी दिए । कार्यालयको तथ्याङक अनुसार चालु आर्थिक वर्षको ६ महिनामा चितवन र नवलपुरबाट ब्रोइलर कुखुरा एक लाख ४४ हजार २६१ गोटा, ६६ हजार ८३८ लेस कुखुरा अन्य जिल्लामा ढु्वानी भएका छन् । विशेष गरी चितवन र नवलपुरबाट चार लाख सात हजार ३२५ पेटी अण्डा निर्यात हुने गर्छन् । २८ हजार २७७ वटा राँगा भैसी, ३८ हजार ६८२ वटा पाडापाडी, खसीबोका, बाख्रा ६६ हजार ९०० गोटा ढुवानी भएका छन् । दुई लाख ७९ हजार ५०१ केजी माछा चितवन, नवलपरासी, बारा, कपिलवस्तु, रुपन्देहीबाट ढुवानी हुने गर्छ ।
यस्तै ब्रोइलर चल्ला ७४ लाख ८९ हजार ३२६ गोटा, लेस चल्ला छ लाख १२ हजार ६१०, दूध प्रयोजनका लागि दुहुनो गाई १८१, दुहुनो भैँसी ४१९, माछाको भुरा एक लाख २५ हजार ६४२ गोटा चितवन र नवलपुरबाट मात्र रामनगर क्वारेनटाइन चेकपोष्टमा चेकजाँच गराई अन्य जिल्लामा आयत भएको छ । कुखुराको मासु एक लाख ३३ हजार ८३९ केजी चितवन, नवलपुर र नेपालगञ्जबाट अन्य जिल्लामा लगिन्छ । खसीको मासु १८ हजार २९१ केजीे, राँगाको मासु ४७ हजार ७२४ केजी, बङगुर दुई हजार ७७४ केजी मासु ढुवानी हुने गर्छ ।

आन्य समाचारहरु:-
February 25, 2024
नारायणगढ-मुग्लिन सडक आजदेखि बन्द नहुने

भरतपुर,फागुन १३- तुइन खोलामा पुल बनाउनका लागि पहाड काट्न सुरू भएपछि दिउँसो चार घण्टा दैनिक बन्द हुँदै आएको नारायणगढ–मुग्लिन सडक आजदेखि बन्द नहुने भएको छ । नागढुङ्गा–मुग्लिन सडक आयोजना पश्चिम […]

February 24, 2024
भरतपुर भ्रमण बर्षको तयारी तीब्रः प्रधानमन्त्रीले उद्घाटन गर्ने,सातै प्रदेशका मुख्यमन्त्रीलाई आमन्त्रण

भरतपुर,फागुन १२- भरतपुर महानगरपालिकाको आयोजनामा हुन लागेको भरतपुर भ्रमण बर्ष २०२४ को उद्घाटनको दिन नजिकिँदै गर्दा तयारी तीव्र पारिएको छ। भरतपुर महानगरका जनप्रतिनिधि ,कर्मचारीहरु र बिभिन्न समितिले भ्रमण बर्षको उद्घाटनका […]

February 24, 2024
प्रधानमन्त्रीद्वारा देशकै लामाे झाेलुङ्गे पुलकाे उद्घाटन

धनुषा – प्रधानमन्त्री पुष्पकमल दाहाल ‘प्रचण्ड’ ले कमला नदीमा निर्माण भएको देशकै लामो झोलुङ्गे पुलको उद्घाटन गर्नुभएको छ । सिरहाको सिरहा नगरपालिका–१३ मल्हनिया र धनुषाको जनकनन्दिनी गाउँपालिका–६ कठाल जोड्ने एक […]

February 24, 2024
रत्ननगरमा विद्यालयकाे हाेस्टेलमा छात्राले गरिन आत्महत्या

रत्ननगर, फागुन १२ । पूर्वी चितवनकाे रत्ननगर नगरपालिका १० मा रहेकाे एक विद्यालयकाे हाेस्टेलमा शनिबार एक छात्राले आत्महत्या गरेकी छन् । एकता शिशु निकेतनमा कक्षा ८ मा अध्ययन गर्ने १४ […]

रेडियो चितवन अन्लाईन
" पौरखीको बोली "

सम्पर्क:

+९७७ - ०५६ ५६२६०६
+९७७ - ०५६ ५६२६०७
रत्ननगर २ , आदर्श टोल, टाडी चितवन
कार्यकारी सम्पादक : 
निरु चेपाङ
प्राबिधिक : 
अनुज प्रजा
अध्यक्ष : 
राजेन्द्र कुमार श्रेष्ठ
स्टेशन प्रबन्धक : 
रमेश राना मगर
बिज्ञापनको लागि बजार प्रमुख तिलक थापा मगर :
 ०५६-५६२६०७, ९८४५०५६२२८
copyright © 2022 radiochitwanonline.com
map-markerclock linkedin facebook pinterest youtube rss twitter instagram facebook-blank rss-blank linkedin-blank pinterest youtube twitter instagram