Listen Live: 

सहकारी नियमनदेखि फोहोर व्यवस्थापनका प्रश्न ,रत्ननगरका जनप्रतिनिधिप्रति नागरिकका गुनासो

Radio Chitwan
शनिबार, पुस २३, २०७९

चितवन, पुस २३(

रत्ननगर नगरपालिकाका जनप्रतिनिधिलाई नागरिकले भोगेका विभिन्न समस्याबारे प्रश्न गरेका छन् ।

नगरपालिकाको शुक्रबार सम्पन्न प्रथम चौमासिक सार्वजनिक सुनुवाइमा नागरिकले प्रश्न गरेका हुन् ।

कार्यक्रममा ३० बढी नगरवासीले आआफ्ना जिज्ञासा, सुझाव र प्रश्न राखेका थिए । कार्यक्रममा सहभागीहरुले ढिलासुस्ती हटाइनुपर्ने, अव्यवस्थित बसोबास गरिरहेका भूमिहिनको व्यवस्थापन गरिनुपर्ने, विद्यालयमा अभिभावकलाई नै व्यवस्थापन समितिको अध्यक्ष बनाइनुपर्ने, दमकलको व्यवस्था, दैवीप्रकोप पूर्वतयारी तालिम, सडक सुरक्षा, पार्किङ व्यवस्थापन, खेलाडी उत्पादन, खोलाको ठेक्का खोल्नुपर्ने, साइनबोर्ड कर पुनर्विचार गरिनुपर्ने, फोहोर व्यवस्थापन र सुरक्षा मापदण्ड, बिउपूँजीसहितको महिला उद्यमी तालिम, विद्यालय अनुगमन, लागुऔषध नियन्त्रण, सहकारीको नियमन, मेलमिलाप समितिको पूर्णतालगायतका विषयमा जिज्ञासा राखेका थिए ।

नगरवासीले उठाएका विविध सवालबारे नगरप्रमुख प्रल्हाद सापकोटा, प्रमुख प्रशासकीय अधिकृत छविलाल सुवेदी, नगरशिक्षा अधिकारी बद्रीनारायण शर्मा, पूर्वमेयर नारायण वन, इलाका प्रहरी कार्यालय रत्ननगरका प्रमुख डीएसपी रविनबाबु रेग्मीले जवाफ दिएका थिए ।
कार्यक्रममा नेपाली कांग्रेस रत्ननगरका कार्यवाहक सभापति कमलनाथ अधिकारी, नेकपा ९एमाले०का नगरकमिटी सचिव शिवराज सुवेदी, नेकपा ९माओवादी केन्द्र०का नगरअध्यक्ष श्याम बराल, राष्ट्रिय स्वतन्त्र पार्टीका प्रतिनिधि रामनाथ भट्टराई र राप्रपाका नगरअध्यक्ष गोविन्द अधिकारीले नगरले गर्नुपर्ने कामकारबाहीका विषयमा चर्चा गरेका थिए ।

रत्ननगर नगरपालिकाका उपप्रमुख यादवप्रसाद पाठकले स्वागत मन्तव्य राखेको कार्यक्रममा उठेका सवाललाई नगरपालिकाले गम्भीररूपमा मनन गरेर अगाडि बढ्ने, सुझाव पेटिकामा संकलित सुझावलाई मध्यनजर गर्दै कार्यपालिकाको बैठकमा समीक्षा गरेर कार्यान्वयन गर्ने प्रमुख प्रशासकीय अधिकृत छविलाल सुवेदीले बताए ।

कार्यक्रममा सहभागीहरुले नगरपालिकाले सुरु गरेको विपन्नहरुको स्वास्थ्य उपचार कोष, स्वास्थ्य बिमा, सेवाग्राहीको सेवा प्रवाह र भुक्तानी प्रणालीमा सहजताजस्ता कार्यहरुको सराहना गर्दै नगरपालिकाको कर्मचारी प्रशासनलाई अझै प्रभावकारी बनाउन आग्रह गरेका थिए ।
बिप्स मिडियाले सहजीकरण गरेको कार्यक्रमअघि ५० जना सेवाग्राहीबीच गरिएको सर्वेक्षणमा नगरपालिकामा जुनसुकै काम गराउँदा घुस खुवाउनु नपरेको, कसैको भनसुनमा काम गराउनु नपरेको र राजनीतिकरूपमा पूर्वाग्रही भई काममा ढिलासुस्ती गरेको पाइएको थियो । असल शासनको अभ्यास रत्ननगरले अवलम्बन गर्दै गएको पनि सर्वेक्षणमा सहभागीहरुले राय प्रकट गरेका थिए ।

आन्य समाचारहरु:-
April 22, 2024
झुवानी सामुदायिक पुस्तकालयकाे क्यालेन्डर विमाेचन

रत्ननगर । चितवनकाे रत्ननगर नगरपालिका वडा न५ झुवानीमा रहेकाे झुवानी सामुदायिक पुस्तकालयले  तयार पारेकाे २०८१ सालको क्यालेन्डर साेमबार  विमोचन गरेको छ । वडाअध्यक्ष बालकृष्ण चापागाईंले एक समारोहबीच  क्यालेन्डर  विमोचन गरेका […]

April 22, 2024
कतारका राजालाई राष्ट्रपतिले त्रिभुवन विमानस्थलमा स्वागत गर्ने

काठमाडौं– कतारका अमिर शेख तामिम विन हमद अल थानीलाई मंगलबार राष्ट्रपति रामचन्द्र पौडेलले स्वागत गर्ने भएका छन् । परराष्ट्र मन्त्रालयका अनुसार अमिर थानीलाई मंगलबार अपराह्न ५: ३५ मा त्रिभुवन अन्तर्राष्ट्रिय […]

April 22, 2024
भरतपुर अस्पतालका वेथिति र समस्याहरुप्रति अनेरास्ववियु चितवनको ध्यानाकर्षण

चितवन, १० वैशाख । भरतपुर अस्पतालमा अवैध क्रियाकलाप, बेथिति र समस्याहरुको चाङ् रहेको भन्दै अनेरास्ववियु चितवनले ध्यानाकर्षण गराएको छ । आज नेकपा एमाले निकट अखिल नेपाल राष्ट्रिय स्वतन्त्र विद्यार्थी युनियन […]

April 22, 2024
कालिका नगरपालिकाले २३ जना महिलाहरुलाई सीप सिकाएर कपडा सिलाउने मेसिन समेत दियो

कालिका, ९ बैशाख । महिलाहरुलाई उद्यमसँग जोड्ने उद्देश्यले कालिका नगरपालिकाले आयोजना गरेको ४५ दिने आधारभूत सिलाई कटाई तालिम आइतवार सकिएको छ । वडा नं. ४ को सभाहलमा आयोजना गरिएको तालिमको […]

रेडियो चितवन अन्लाईन
" पौरखीको बोली "

सम्पर्क:

+९७७ - ०५६ ५६२६०६
+९७७ - ०५६ ५६२६०७
रत्ननगर २ , आदर्श टोल, टाडी चितवन
प्राबिधिक : 
अन्जन थापा मगर
अध्यक्ष : 
राजेन्द्र कुमार श्रेष्ठ
स्टेशन प्रबन्धक : 
रमेश राना मगर
बिज्ञापनको लागि बजार प्रमुख तिलक थापा मगर :
 ०५६-५६२६०७, ९८४५०५६२२८
copyright © 2022 radiochitwanonline.com
map-markerclock linkedin facebook pinterest youtube rss twitter instagram facebook-blank rss-blank linkedin-blank pinterest youtube twitter instagram