Listen Live: 

विपन्न वर्गका विद्यार्थीहरु चिसो मौसमा विद्यालय जान समस्या भएपछि मैयाँदेवी ट्रष्ट नेपालले विद्यार्थीहरुलाई न्यानो कपडा वितर

Radio Chitwan
शुक्रबार, पुस २२, २०७९

विपन्न वर्गका विद्यार्थीहरु चिसो मौसमा विद्यालय जान समस्या भएपछि मैयाँदेवी ट्रष्ट नेपालले विद्यार्थीहरुलाई न्यानो कपडा वितरण गरेको छ ।

आज ९बिहीबार० पूर्वीचितवनको कालिका नगरपालिका–१ गडुवास्थित राष्ट्रिय प्राथमिक विद्यालयमा अध्ययनरत ७० जना विद्यार्थीहरुलाई ट्रष्टले न्यानो कपडा वितरण गरेको हो । वडा अध्यक्ष सन्तविर स्याङताङ र ट्रष्टका महासचिव टंकनाथ पौडेलले विद्यार्थीहरुलाई स्वीटर र टोपी वितरण गरेका थिए । स्वर्गीय समाजसेवी एवं पूर्व सांसद मैयाँदेवी श्रेष्ठले ट्रष्टको स्थापना गरेका थिए । उनको निधन पश्चात ट्रष्टले सामाजिक कार्यलाई तिव्रता दिइरहेको छ ।

ट्रष्टले शिक्षा, स्वास्थ्य, खानेपानी, सामाजिक उत्तरदायित्व अन्तरगतका कामहरु गर्दै आइरहेको महासचिव पौडेलले बताए । ‘विद्यार्थीहरुमा न्यानो कपडाको अभावमा विद्यालय जान समस्या भएको थाहा पाएपछि मैले सहयोगको बचन दिएको थिए, सोही अनुरुप ७० भन्दा बढी विद्यार्थीहरुलाई आज आफ्नै हातबाट न्यानो कपडा वितरण गर्न पाए’–पौडेलले भने । न्यानो कपडा पाएपछि विद्यार्थीहरु हर्षित भएका थिए । विद्यालयमा उपस्थिति अभिभावकहरुले पनि मैयाँदेवी ट्रष्टबाट न्यानो कपडा पाउँदा खुशी व्यक्ति गर्दै बालबालिकालाई विद्यालयसम्म पठाउन भोग्दै गरेको समस्या सुनाएका थिए ।

यस विद्यालयमा विपन्न वर्गका विद्यार्थीहरु अध्ययन गर्ने भएकाले लत्ताकपडा, स्टेशनरीलगायत सामग्रीको जहिल्यै अभाव हुने गरेको विद्यालयका प्रधानाध्यापक ज्ञानेन्द्र शाही घिमिरेले जानकारी दिए । ‘यहाँ धेरैजसो विद्यार्थी विपन्न वर्गकै छन्, परिवारलाई आफैलाई खानलाउन समस्या भइरहेको बेला बालबालिकाहरुलाई सहज रुपमा विद्यालय पठाउन पनि आनाकानी गर्छन्, आर्थिक अभावले बालबालिकाहरु पातलो कपडामा विद्यालय आउन बाध्य छन्’–प्रधानाध्यापक घिमिरेले भने ।

नर्सरीदेखि ५ कक्षासम्म पढाई हुने यस विद्यालयमा विस्तारै भौतिक पूर्वाधारहरु निर्माण हुने क्रममा छन् । वडा अध्यक्ष सन्तविर स्याङताङले विद्यालयको शौचालय निर्माणदेखि अन्य भौतिक पूर्वाधार निर्माणमा सहयोग गरिरहेको बताए । ‘मेरो वडाको यस विद्यालयलाई राम्रो बनाउन प्रयासरत छु, विद्यालयका शिक्षक कर्मचारीहरु पनि राम्रोसंग लाग्नुपर्‍यो, मेरोतर्फबाट सबै सहयोग गर्न तयार छु’–वडा अध्यक्ष स्याङताङले भने । विद्यालय व्यवस्थापन समितिका अध्यक्ष हरिकुमार गुरुङको अध्यक्षतामा सम्पन्न कार्यक्रममा स्थानीय समाजसेवी सरोज गुरुङ, वडा सदस्य जीवन लामालगायतको उपस्थिति रहेको थियो ।

आन्य समाचारहरु:-
February 23, 2024
रत्ननगरका १६ वटै वडामा अनेमसंघको नयाँ कमिटी गठन

रत्ननगर । पूर्वी चितवनको रत्ननगर नगरपालिकाका १६ वटै वडामा अखिल नेपाल महिला संघको नयाँ कमिटी गठन गरिएको छ । नेकपा एमाले निकट संघको छुट्टाछुट्टै अधिवेशन गरी वडा कमिटी गठन गरिएको […]

February 22, 2024
दैनिक चार घण्टा गाडी रोकेर काम हुँदै आएको नारायणगढ–मुग्लिन सडक आइतवारदेखि बन्द नहुने

चितवन । दैनिक चार घण्टा सवारी रोकेर पुल निर्माणका लागि भित्तो काटिँदै आएको नारायणगढ–मुग्लिन सडकखण्ड फागुन १३ गतेदेखि बन्द नगरिने भएको छ । तेस्रो पटक थपेको म्याद यही फागुन १२ […]

February 15, 2024
होटल व्यवसायी महासंघको साधारण सभा रत्ननगरमा हुने

रत्ननगर । होटल व्यवसायी महासंघ नेपालको ११ औं बार्षिक साधारण सभा फागुन ४ गते रत्ननगरमा हुने भएको छ । रत्ननगरको सौराहाचोक स्थित होटल गंगोत्री होइवेमा हुने साधारण सभाको बागमती प्रदेशका […]

February 13, 2024
साैराहा फुड फेष्टिबल : वेटर रेसमा पंगेनी र डाेरी तान्नेमा थ्रि एन्जल रेष्टुरेन्ट प्रथम

रत्ननगर । साैराहामा जारी फुड फेष्टिबल अन्तर्गत मंगलबार वेटर रेस प्रतियाेगिता गरिएकाे छ ।फेष्टिबलकाे आयाेजक संस्था रेवान साैराहाले आयाेजना गरेकाे साे प्रतियाेगितामा थारु किचनका कमल पंगेनी प्रथम, नेवारी खाजा घरका […]

रेडियो चितवन अन्लाईन
" पौरखीको बोली "

सम्पर्क:

+९७७ - ०५६ ५६२६०६
+९७७ - ०५६ ५६२६०७
रत्ननगर २ , आदर्श टोल, टाडी चितवन
कार्यकारी सम्पादक : 
निरु चेपाङ
प्राबिधिक : 
अनुज प्रजा
अध्यक्ष : 
राजेन्द्र कुमार श्रेष्ठ
स्टेशन प्रबन्धक : 
रमेश राना मगर
बिज्ञापनको लागि बजार प्रमुख तिलक थापा मगर :
 ०५६-५६२६०७, ९८४५०५६२२८
copyright © 2022 radiochitwanonline.com
map-markerclock linkedin facebook pinterest youtube rss twitter instagram facebook-blank rss-blank linkedin-blank pinterest youtube twitter instagram