रत्ननगर, रत्ननगरको टिकौली चौरमा जारी राष्ट्रिय स्तरको सेन्ट्रल कलेज तेस्रो रत्न प्रिय कप महिला फुटबल प्रतियोगितामा अन्तर्गत आज (आइतवार) भएको खेलमा निजगढ फुटबल क्लब विजयी भएको छ । परिवर्तन हातेमालो […]
पोखरा म्याराथन ६ फागुनमा, बिजेतालाई ५ लाख
Radio Chitwan
मङ्लबार, पुस १९, २०७९
१९ पुस, पोखरा । १७ औं संस्करणको पोखरा म्याराथन ६ फागुनमा हुने भएको छ । भूतपूर्व खेलाडी मञ्चले हरेक वर्ष आयोजना गर्ने यो प्रतियोगितामा विभिन्न ८ इभेन्टमा प्रतिस्पर्धा हुनेछ ।
पोखरा म्याराथनले यसै वर्ष अन्तर्राष्ट्रिय म्याराथनहरुको छाता संगठन ‘एम्स’बाट मान्यता पाएको छ । प्रतियोगितामा खुला म्याराथन ९४२।१९५ किमी०, हाफ म्याराथन ९महिला० २१।०९७ किमी, १० किलोमिटर पुरुष र महिला दौड, ५ किलोमिटर विद्यालयस्तरीय छात्र–छात्रा दौड, ह्विलचियर तथा दृष्टिविहीन दौड ९महिला, पुरुष० र ‘रन फर फन’ इभेन्ट हुने मञ्चका अध्यक्ष हरिप्रसाद पराजुलीले जानकारी दिए ।
उनका अनुसार यसै संस्करणदेखि खुला म्याराथन विजेताले ५ लाख रुपैयाँ पाउनेछन् । अघिल्लो संस्करणमा पुरस्कार राशी ४ लाख रुपैयाँ थियो । यो नेपालमा हुने म्याराथन प्रतियोगिताको पुरस्कारमध्ये सर्वाधिक राशी पनि हो ।
म्याराथनमा दोस्रो हुनेले ३ लाख, तेस्रो हुनेले २ लाख र चौथो हुनेले ३० हजार रुपैयाँ प्राप्त गर्ने आयोजकले जानकारी दिएको छ । ‘प्रदेशबाट पनि आफ्नै खेलाडी उत्पादन गर्न प्रदेशस्तरीय धावकलाई पनि छुट्टै पुरस्कार राशीको व्यवस्था गरेका छौं’, अध्यक्ष पराजुलीले भने ।
म्याराथनमा गण्डकी प्रदेशतर्फ पहिलो हुनेले ५० हजार, दोस्रो ३० हजार र तेस्रोले २० हजार रुपैयाँ पाउनेछन् । महिला हाफ म्याराथन, १० किमी महिला र पुरुष दौड, ह्विलचियर तथा दृष्टिविहीन दौडको पुरस्कार राशीमा पनि वृद्धि गरिएको मञ्चले जनाएको छ ।
महिला हाफ म्याराथन विजेताले १ लाख ५० हजार, दोस्रोले १ लाख र तेस्रोले ७५ हजार रुपैयाँ प्राप्त गर्ने मञ्चका अध्यक्ष पराजुलीले जानकारी दिए । ‘सबै इभेन्टमा गरेर १७ लाख ५२ हजार रुपैयाँ हामीले पुरस्कारमा मात्रै वितरण गर्दैछौं,’ उनले भने ।
म्याराथन प्रतियोगिताका छाता संगठन आवद्ध ‘एम्स’को मान्यता पाउन आफूहरुले २ वर्षअगाडिबाटै योजना बनाए पनि हालैमात्र त्यसमा सफल हुन सकेको नेपाल ओलम्पिक कमिटीका उपाध्यक्ष तेज गुरुङले जानकारी दिए । ‘अब हाम्रो प्रतियोगिता पनि अन्तर्राष्ट्रियस्तरमा आधिकारिकता पाएको छ । हामीले साचेको भन्दा एक वर्ष अगाडि नै मान्यता पाउन सफल भयौं,’ उनले भने ।
चिप्सको प्रयोग
म्याराथनलाई प्रविधिमैत्री बनाउन यसै संस्करणदेखि चिप्सको प्रयोग गरिने आयोजक भूतपूर्व खेलाडी मञ्चले जानकारी दिएको छ । अध्यक्ष पराजुलीका अनुसार खुला म्याराथन र महिला हाफ म्याराथनका धावकले चिप्स प्रयोग गर्नेछन् ।
‘चिप्सको प्रयोगले नेपाली तथा विदेशी धावकलाई हौसला प्रदान गर्नेछ । टाइम अक्युरेट हुने भएकाले निर्णायकलाई पनि धेरै सहज हुनेछ’, अध्यक्ष पराजुलीले भने, ‘धावकको समयलाई निश्चित बनाउने हाम्रो प्रयास हो ।’
प्रतियोगिता भाग लिन अफ्रिकी मुलुकका २५ र नेपालका २५ धावक सम्पर्कमा आइसकेको मञ्चका केशव पाठकले जानकारी दिए । उनका अनुसार अफ्रिकाबाट सबैभन्दा बढी केन्याबाट पोखरा म्याराथनमा भाग लिन इच्छुक देखिएका छन् ।
गत वर्षको १६ औं पोखरा म्याराथन केन्याली धावक कोसगेईले जितेका थिए । उनले निर्धारित दूरी २ घन्टा ४३ सेकेन्डमा पार गरेका थिए । दोस्रो पनि केन्याकै धावक सिमिओन किप्लागातो भएका थिए । उनले निर्धारित दूरी २ घन्टा २१ मिनेट ३ सेकेन्डमा पूरा गरेका थिए ।
आन्य समाचारहरु:-
एनपीएलःचितवनको तेस्रो जित
नेपाल प्रिमियर लिग (एनपीएल)मा सुदूरपश्चिम रोएल्सको अपराजित यात्रामा पूर्णबिराम लागेको छ ।आफ्नो चौथो खेलमा सुदूरपश्चिम चितवन राइनोजसँग ३३ रनले पराजित भएको हो । हारपछि सुदूरपश्चिमले शीर्ष स्थानमा उक्लने अवसर गुमाएको […]
चितवन प्रहरीले भन्यो-पोखरा लैजाँदा रविलाई दुर्व्यवहार भएको छैन, भ्रम फैल्याइयो
काठमाडौं- जिल्ला प्रहरी कार्यालय चितवनले सहकारी ठगी प्रकरणमा राष्ट्रिय स्वतन्त्र पार्टीका सभापति रवि लामिछानेलाई दुर्व्यवहार गरिएको भनेर गरिएको टिप्पणी र चर्चाको खण्डन गरेको छ। जिल्ला प्रहरी कार्यालय चितवनका प्रहरी नायव […]
रत्ननगरमा महिला फुटबल प्रतियोगिता सुरु
रत्ननगर, मंसिर २२ । चितवनको रत्ननगर स्थित टिकौलीचौरमा आज (शनिवार) देखि राष्ट्रिय स्तरको महिला फुटबल प्रतियोगिता सुरू भएको छ । सो प्रतियोगिताको रत्ननगरका नगर प्रमुख प्रलाद सापकोटाले उद्घाटन गरेका थिए […]
