Listen Live: 

चितवनको रत्ननगरमा वडास्तरबाटै निःशुल्क लोकसेवा तयारी कक्षा सञ्चालन गरिने

Radio Chitwan
बिहिबार, पुस ७, २०७९

रत्ननगर ०७ पुस ।

चितवनको रत्ननगरमा वडास्तरबाटै निःशुल्क लोकसेवा तयारी कक्षा सञ्चालन गरिने भएको छ । सो नगरपालिका अन्तर्गत वडा नं १५ ले पहिलो पटक लोकसेवा तयारी कक्षा सञ्चालन गर्न लागेको हो ।

गरिब तथा विपन्न समुदायका युवाहरुलाई सरकारी निकायको प्रशासनिक क्षेत्रमा प्रवेश गराउन लोकसेवाको तयारी कक्षा सञ्चालन गर्न लागिएको वडाध्यक्ष आशिक तामाङले बताए । प्लस २ पास गरेका वडा भित्रका युवाहरुले सो कक्षामा सहभागिता जनाउन पाउने छन् ।

शैक्षिक बेरोजगार न्यूनीकरण गरी रोजगारी सृजना गर्न लोकसेवाको तयारी कक्षा सञ्चालन गर्न लागिएको अध्यक्ष तामाङले जानकारी दिए । वडा कार्यालयले पुस २५ गतेबाट कक्षा सञ्चालन गर्ने गरी तयारी गरेको छ । निजामती सेवामा प्रवेश गराउने गरी नायब सुब्बा र खरिदार पदको लागि कक्षा सञ्चालन हुनेछ ।

प्लस २ गरेका युवाहरु स्वदेशमा रोजगारी नपाएर विदेशिने गरेका छन् । विदेश पलायन हुनबाट रोक्न र न्यून आय भएका युवाहरुलाई राज्यको प्रशासनिक निकायमा प्रवेश गराउने उद्देश्य रहेको वडाध्यक्ष तामाङले बताए । दुई महिनाको तयारी कक्षा सञ्चालन गरिने भन्दै उनले त्यसका लागि निर्धारित समयमै आवेदन दिन आग्रह समेत गरेका छन् ।

स्थानीय तहमा जनप्रतिनिधि आइसकेपछि जनताले त्यसको राम्ररी अनुभव गर्न पाएका छैनन् वडाध्यक्ष तामाङले भने विकास निर्माणको काम प्रक्रियागत रुपमा हुने कुरा हुन, जनतालाई जनप्रतिनिधिको अनुभव गराउन नयाँ कामको सुरुवात गर्न लागेका हौं ।

सरकारी जागिर खान चाहने युवाहरुले किताब पढेर लोकसेवा आयोगको परीक्षा दिने प्रबृतिको अन्त्य गर्न तयारी कक्षा सञ्चालन गर्न लागेको उनको भनाई छ । वडाध्यक्ष तामाङले तयारी कक्षा लिएका सत प्रतिशत युवाहरुले परीक्षा उत्र्तीण गर्ने गरी कक्षा सञ्चालन गरिने बताए ।

आन्य समाचारहरु:-
June 13, 2024
रत्ननगरका तीनवटा वडामा पिठुवा खानेपानीको सचेतना कार्यक्रम

रत्ननगर। रत्ननगरको वडा नं. १५ माधवपुरमा रहेको पिठुवा खानेपानी तथा सरसफाई उपभोक्ता संस्थाले रत्ननगरका तीनवटा वडामा सरसफाई सम्बन्धी सचेतना कार्यक्रम गरेको छ ।  संस्थाले आफ्नो सेवाक्षेत्र अन्तर्गतका तीनवटा वडाहरू १४,१५ […]

June 7, 2024
रत्ननगरमा सडक सुरक्षा सम्बन्धी सचेतना कार्यक्रम

रत्ननगर । पूर्वी चितवनको रत्ननगरमा शुक्रबार सडक सुरक्षा र सवारी साधनको यन्त्रिक परीक्षण कार्यक्रम गरिएको छ । रत्ननगर नगरपालिका र रत्नप्रिय क्लवको आयोजनामा सडक दुर्घटना न्यूनीकरणको लागि सचेतनामुलक  र्‍याली, ट्राफिक […]

June 2, 2024
दुई पटक रत्ननगरकाे मेयर बनेका कृष्ण लामाकाे निधन

रत्ननगर । तत्कालिक शाही शासनकालमा दुई पटक रत्ननगर नगरपालिकाे मेयर बनेका कृष्ण लामाकाे निधन भएकाे छ । शनिबार उनकाे हृदयघातका कारण निधन भएकाे हाे । राष्ट्रिय प्रजातन्त्र पार्टीका क्षेत्रीय अध्यक्ष […]

June 2, 2024
फुटकाे संघारमा लघुवित्त पीडित संघर्ष समिति : तामाङको नेतृत्वमा छुट्टै समिति गठनको प्रक्रिया सुरु

रत्ननगर । वित्तीय संस्थाको ज्याजती विरुद्ध निरन्तर आन्दोलनमा रहेको लघुवित्त तथा वित्तीय शोषण विरुद्धको संघर्ष समिति फुटको संघारमा पुगेको छ । केन्द्रीय समितिका अध्यक्ष मणिराम ज्ञवालीले एकलौटी र स्वेच्छाचारी ढंगले […]

रेडियो चितवन अन्लाईन
" पौरखीको बोली "

सम्पर्क:

+९७७ - ०५६ ५६२६०६
+९७७ - ०५६ ५६२६०७
रत्ननगर २ , आदर्श टोल, टाडी चितवन
प्राबिधिक : 
अन्जन थापा मगर
अध्यक्ष : 
राजेन्द्र कुमार श्रेष्ठ
स्टेशन प्रबन्धक : 
रमेश राना मगर
बिज्ञापनको लागि बजार प्रमुख तिलक थापा मगर :
 ०५६-५६२६०७, ९८४५०५६२२८
copyright © 2022 radiochitwanonline.com
map-markerclock linkedin facebook pinterest youtube rss twitter instagram facebook-blank rss-blank linkedin-blank pinterest youtube twitter instagram