चितवन – नारायणगढस्थित नारायणी नदी किनारको प्रदर्शनी मैदानमा उद्योग वाणिज्य संघ (उवासंघ) चितवनद्वारा आयोजित १५ औं संस्करणको चितवन महोत्सव जारी छ । महोत्सवमा दिनदिनै सांस्कृतिक कार्यक्रमहरु भइरहेका छन् । स्थानीय […]
नारायणी नदीकिनारमा फोहोर पुरेर चितवन महोत्सव आयोजना गर्ने तयारी भएपछि वातावरण संरक्षणकर्मी निरन्तर आन्दोलनरत
Radio Chitwan
शुक्रबार, मंसिर २३, २०७९
भरतपुर । नारायणी नदीकिनारमा फोहोर पुरेर चितवन महोत्सव आयोजना गर्ने तयारी भएपछि वातावरण संरक्षणकर्मी निरन्तर आन्दोलनरत छन् । भरतपुर महानगरपालिकाको सहमतिमा महोत्सव आयोजक उद्योग वाणिज्य संघ–चितवनले नदीकिनारमा बाढीले बनाएको खाल्डोमा प्लास्टिकजन्य फोहोर हालेर जमिन सम्याएको हो ।
संरक्षणकर्मीले फोहोर निकालेर अन्यत्र लैजान भरतपुर महानगरपालिकालाई आग्रह गरेका छन् । महानगरको कार्यालयअगाडि धर्ना दिँदासमेत महानगरले फोहोर निकाल्न तत्परता नदेखाएपछि संरक्षणकर्मीले सर्वोच्च अदालतमा रिट हाल्ने प्रक्रिया सुरू गरेका छन् । नेपाल विकास समाजका कार्यक्रम संयोजक इन्जिनियर सागर कार्कीले एकरदुई दिनमा सर्वोच्चमा रिट हाल्ने तयारी भएको बताए ।
‘हामीले रिट दर्ताका लागि आवश्यक प्रमाण जुटाएका छौँ । शुक्रबार निवेदन लेखेर काठमाडौँ पठाउँछौँ । त्यहाँबाट वकिलले सर्वोच्चमा रिट दर्ता गर्नुहुन्छ’, उनले भने । आफू मुख्य निवेदक भएर रिट दर्ता गर्न लागिएको उनले बताए । उनका साथै सुवर्ण घिमिरे, सुराजन श्रेष्ठ, भोजनारायण कँडेल, नवीन थापालगायतको नाम पनि निवेदनमा समावेश गरिँदैछ ।
नदी संरक्षणको रिटलाई सर्वोच्चले उच्च प्राथमिकता दिने भएकाले सर्वोच्चले संरक्षणकर्मीको मागअनुसार नै आदेश दिनेमा उनीहरु ढुक्क छन् । ‘रिट हालेको एक हप्ताभित्रै सर्वोच्चले एउटा आदेश दिने रहेछ । उद्योग वाणिज्य संघले विज्ञसँग पनि छलफल गरिरहेको भन्ने बुझेर रिट हाल्न केही ढिलो गरेका थियौँ, तर उनीहरुको त्यो झारा टार्ने काममात्रै रहेछ’, उनले भने ।
उवासंघ चितवनले चौरमा गाडिएकाले फोहोरले पार्ने प्रभावबारे विज्ञको सुझाव लिने बताएको थियो । उवासंघ चितवनले पुष २५ गतेदेखि माघ ४ गतेसम्म १४औँ संस्करणको चितवन महोत्सव गर्दैछ । संघले महोत्सवस्थलमा बजार क्षेत्रको १५० ट्रयाक्टर फोहोर नदीकिनारमा लगेर पुरेको हो ।
उक्त घटनापछि संरक्षणकर्मीले निरन्तर विरोध जनाउँदै आएका छन् । तर, उवासंघ र महानगरले भने सुनेको नसुन्यै गरेका छन् । नदीकिनारमा गाडेको फोहोर बर्खामा बाढीले बगाएर यत्रतत्र छिरल्ने र त्यसले जलचरमा गम्भीर असर पर्ने भएकाले फोहोर निकालेर अन्यत्र लैजानुको विकल्प नरहेको संरक्षणकर्मीको माग छ ।
आन्य समाचारहरु:-
सकियो खिचरा महोत्सव : एकलाख बढीले गरे अबलोकन
खैरहनी । पूर्वी चितवनको खैरहनी नगरपालिका वडा नं ५ गौचरणमा आयोजना गरिएको १०औं खिचरा महोत्सव सोमबार सकिएको छ । माघी पर्वको अबसर पारेर थारु कल्याणकारिणी सभा चितवन क्षेत्र नं ७ […]
चितवन महोत्सवमा हेल्थी बेवी प्रतियोगिता : विजेता राना मगर बनिन् प्रथम
चितवन, माघ ६ –चितवन महोत्सवका अवसरमा आयोजित हेल्थी बेवी प्रतियोगितामा विजेता राना मगर विजयी भएकी छन् । उद्योग वाणिज्य संघ (उवासंघ) चितवनको सभाहलमा आयोजित प्रतियोगितामा एभरेष्ट प्रि स्कुलकी विजेता राना […]
रत्ननगरमा एचपिभी खाेप सम्बन्धी अभिमुखिकरण
रत्ननगर । रत्ननगर नगरपालिका स्वास्थ्य शाखाको आयोजनामा एचपिभी खोप अभियान–२०८१ अन्तर्गत नगरस्तरीय खोप समन्वय समितिको बैठक तथा सरोकारवालाहरुको लागि अभिमुखीकरण कार्यक्रम गरिएकाे छ । सामाजिक विकास समितिका संयोजक बालकृष्ण चापागाईंको […]
