Listen Live: 

आज शुक्रबारबाट सामुदायिक तथा संस्थागत विद्यालयहरु पाँच गतेसम्म बन्द

Radio Chitwan
शुक्रबार, मंसिर २, २०७९

 मंसिर ४ गतेको निर्वाचनको लागि आज शुक्रबारबाट शैक्षिक संस्था बन्द हुने भएको छ । सामुदायिक तथा संस्थागत विद्यालयहरु पाँच गतेसम्म बन्द रहने विद्यालयहरुले जनाएका छन् ।

मंसिर ४ गते हुन गइरहेको प्रदेश तथा प्रतिनिधिसभाको निर्वाचनको लागि मंसिर २, ४ र ५ गते शैक्षिक संस्था बन्द रहने भरतपुर महानगरका नगर शिक्षा अधिकारी महेन्द्रप्रसाद पौडेलले जानकारी दिए । निर्वाचनस्थल रहेका विद्यालयहरुमा निर्वाचनको तयारी गर्न थालिएको छ । निर्वाचन स्थल नपरेका विद्यालयहरु पनि बन्द नै हुने छन् । शिक्षकहरु नै निर्वाचनको काममा खटिनुपर्ने भएकाले शैक्षिक संस्थाहरु खुलाउन नसकिएको नगर शिक्षा अधिकारी पौडेल बताउँछन् ।

मतदानस्थल नपरेका विद्यालयहरुले विद्यालय व्यवस्थापन समितिको निर्णय गराई वर्षभरिमा पाँच दिन नकाट्ने गरी स्थानीय बिदाबाट मिलान हुने गरी बिदा गर्न सकिने भरतपुर महानगरले जनाएको छ ।

यस्तै, चितवनका अन्य पालिकाका शिक्षा शाखाहरुले पनि सूचना जारी गरी २, ४ र ५ गते शैक्षिक संस्थाहरु बन्द रहने जनाएका छन् ।

अत्यावश्यक सवारीसाधन चल्ने

जिल्ला प्रशासन कार्यालय चितवनका अनुसार मंसिर ४ गते मतदानको दिन अत्यावश्यक सवारीसाधन अनुमतिपत्र लिएर चल्न पाउने जनाएको छ । निर्वाचन आयोगले भनेअनुसार बिरामी बोकेको एम्बुलेन्स, शववाहन, दमकल, दूध बोक्ने सवारीसाधन पनि सहज रुपमा चल्न पाउने चितवन प्रशासनले जनाएको छ ।

यसबाहेक खानेपानीको ट्याङ्कर, फोहोरमैला ओसारपसार गर्ने सवारीसाधन पनि चल्नेछन् । परिचयपत्रसहित सञ्चारकर्मीले प्रयोग गर्ने सवारीसाधन पनि चल्ने निर्वाचन आयोगको भनाइ छ ।

यस्तै, सूचना तथा प्रसारण विभाग वा प्रदेश सञ्चार रजिष्ट्रारको कार्यालय वा प्रदेश सरकार माहतहतको सञ्चार प्राधिकरण, सवारीसाधन पनि चल्नेछन् । दूरसञ्चार तथा केबल सेवाका लागि प्रयोग हुने सवारीसाधन पनि चल्न पाउने निर्वाचन आयोगको भनाइ छ । अस्पतालमा कार्यरत परिचयपत्र प्राप्त चिकित्सक, स्वास्थ्यकर्मी तथा कर्मचारीको आवागमनका लागि प्रयोग हुने सवारीसाधन पनि चल्न दिइने निर्वाचन आयोगले जनाएको छ ।

यसबाहेक कूटनीतिक नियोग, यूएन एजेन्सी र द्विपक्षीय तथा बहुपक्षीय विकास साझेदार संस्थाहरुमा कार्यरत पदाधिकारी एवं कर्मचारीले प्रयोग गर्ने निलो नम्बर प्लेट भएको सवारीसाधन पनि निर्वाचनको दिन चल्न दिइनेछ ।

विदेशी पर्यटकमात्र बोकेको हरियो नम्बर प्लेट भएको सवारीसाधन, सुरक्षाकर्मीले प्रयोग गर्ने सुरक्षा निकायको सवारीसाधन मतदान कार्यमा खटिने कर्मचारी तथा स्वयंसेवकले प्रयोग गर्ने सवारीसाधन पनि निर्वाचनको दिन चल्नेछन् ।

आन्य समाचारहरु:-
April 21, 2024
रत्ननगरमा बालअधिकारका लागि चर्चा र जागरुकता

रत्ननगर । चितवनको रत्ननगरमा बाल अधिकारको विषयमा चर्चा गर्दै योजना कार्यान्वयको लागि जागरुकताका लागि आइतबार अन्तरक्रिया कार्यक्रम गरिएको छ । रत्ननगर नगरपालिका महिला बालबालिका तथा ज्येष्ठ नागरिक शाखाले बालमैत्री निरन्तरता […]

April 21, 2024
रत्ननगरका संस्थागत विद्यालयलाई भर्ना शुल्क नलिन नगरपालिकाे पत्रचार

रत्ननगर । चितवनकाे रत्ननगर नगरपालिका भित्र रहेका संस्थागत विद्यालयहरुलाई भर्ना शुल्क नलिन नगरपालिकाले निर्देशन दिएकाे छ ।  कार्यपालिकाको  बैशाख ९ गतेकाे निर्णय र नगर  शिक्षा ऐन २०७४ संशोधन सहितको दफा […]

April 20, 2024
चितवनको रत्ननगर वडा नं ५ मा शनिबार आयोजना गरिएको निःशुल्क स्वास्थ्य शिविरमा २६४ जनाले सेवा लिगेका छन ।

रत्ननगर । शिविरमा छालाराेगका २१ जना , बालराेगका ३१ जना, स्त्रीराेगका २२ र हाड जाेर्नी राेगका १९० जना गरि  २६४ जनाले स्वास्थय परिक्षण गराएका हुन। भने  १२२ जनाले प्रयोगशाला सेवाकाे […]

April 20, 2024
समाजवादी प्रेस संगठनद्धारा अन्तरक्रिया र सम्मान कार्यक्रममुलुकलाई उकुसमुकुसबाट निकाल्नुपर्छ : महासचिव भुसाल

बुटवल, बैशाख ८ । नेकपा एकीकृत समाजवादीका महासचिव एवं पूर्वमन्त्री घनश्याम भुसालले मुलुकलाई उकुसमुकुसबाट बाहिर निकाल्नका लागि नेकपा एकिकृत समाजवादी निर्णायक हुने बताएका छन् । उनले आफूहरु अंकगणितको हिसाबले सानो […]

रेडियो चितवन अन्लाईन
" पौरखीको बोली "

सम्पर्क:

+९७७ - ०५६ ५६२६०६
+९७७ - ०५६ ५६२६०७
रत्ननगर २ , आदर्श टोल, टाडी चितवन
प्राबिधिक : 
अन्जन थापा मगर
अध्यक्ष : 
राजेन्द्र कुमार श्रेष्ठ
स्टेशन प्रबन्धक : 
रमेश राना मगर
बिज्ञापनको लागि बजार प्रमुख तिलक थापा मगर :
 ०५६-५६२६०७, ९८४५०५६२२८
copyright © 2022 radiochitwanonline.com
map-markerclock linkedin facebook pinterest youtube rss twitter instagram facebook-blank rss-blank linkedin-blank pinterest youtube twitter instagram