Listen Live: 

चितवनमा पौडेलले झुट प्रचार गर्दैछन्, उनलाई बजेट बिनियोजनको अधिकार छैन: सुरेन्द्र पाण्डे

Radio Chitwan
मङ्लबार, कार्तिक २९, २०७९

चितवन, कात्तिक २९–

नेकपा एमलोका उपाध्यक्ष तथा निर्वाचन क्षेत्र नं. १ का प्रतिनिधि सभा सदस्य पदका उम्मेदवार सुरेन्द्र पाण्डेले गठबन्धनको तर्फबाट नेपाली कांग्रेसका उम्मेदवार विश्व पौडेलले झुट प्रचार गरेको आरोप लगाउनु भएको छ ।

मतदातालाई प्रभावित पार्न हुदै नभएको, आफूले नगरेको कामलाई पनि आफ्नो पहलमा भएको भन्दै प्रचारमा उत्रेको भनेर पाण्डेले झुट प्रचारको आरोप लगाउनुभएको हो ।

पाण्डेले भन्नुभयो, ‘पूर्वपश्चिम राजमार्ग टिकौलीदेखि पथलैयासम्मको बाटो विश्व पौडेलले आफूले गरिरहेको भन्नु भएछ । मैले तुरुन्तै सडक विभागको डीजीलाई फोन गरेर सोधेँं । सन् २०२० मै बसन्त नेम्वाङ भौतिक पूर्वाधार विकासमन्त्री भएका बखत डीपीआर भएर एसियाली विकास बैंकबाट बनाई दिने सम्झौता भएको थाहा भयो । त्यसले अहिले डीपीआर गरिरहेको छ । अब अर्को वर्ष मात्रै लोन एग्रिमेन्ट हुन्छ । अहिले केही पनि भएको छैन । उहाँले मैले गरें भनिदिनु भएको छ । नकचरालाई के उपचार हुन्छ ?’

आफूहरुले हालेको योजनाहरु, योजना आयोगबाट डा. पौडेलले हालेको भनेर गठबन्धनले प्रचार गरिरहेको पाण्डेले बताउनुभयो । ‘अहिले योजना आयोगले पैसा नै हाल्दैन । त्यति पनि थाहा नपाएको मान्छे गफ चुटेर हिँडेको छ । अहिले त एलएमबीएस लाइन मिनिस्ट्री बजेटरी सिस्टम भन्छन्, ‘मन्त्रालय र अर्थ मन्त्रालयको बीचमा ‘कोर्डिनेसन’ हुन्छ । त्यसले बजेट किताब छाप्छ । सम्बन्धित मन्त्रालयले नै किताब छाप्छ, योजना आयोग जाँदै जाँदैन ।’

आफूले गरेको कामको विषयमा उमेदवारहरुको प्रचार गर्ने बानी पुरनौ हो तर अहिले पूर्वी चितवनको निर्वाचन क्षेत्रमा गठवन्धनका उमेदवार विश्व पौडेल झुटा प्रचारमा व्यस्त भएको एमालेको ठहर छ । योजना आयोगका उपाध्यक्षले कुनै क्षेत्रमा बजेट विनियोजन गर्न सक्ने अधिकार नहुने पार्टीले बताएको छ ।

त्यसैगरी एमाले उम्मेदवार पाण्डेले भण्डारा मलेखु चेपाङ माग सुरेन्द्र पाण्डेको नेतृत्वमा बजेट परेर निर्माणको काम भइराखेको बताउनुभएको छ । उहाँले भन्नुभयो, ‘कयर खोलाको तटबन्धन आफ्नै पहलमा अहिले पनि निर्माणको काम भइराखेको छ । यसको विकासका क्रम र बजेट आउने निकायले प्रष्टरुपमा मेरो पहलमा भएको बताइरहेका छन् । तर अहिले उमेद्वार भएका पौडेल आफ्नो पहलमा विकास निर्माणको काम भइराखेको भनी प्रचार गर्दै हिडेका छन् ।’

आन्य समाचारहरु:-
June 13, 2024
सौराहामा पर्यटन विकासको लागि अन्तर्किया

रत्ननगर । मुलुकको तेस्रो पर्यटकीय नगरी सौराहा चितवनको पर्यटन विकासको लागि विहीबार सर्वपक्षिय अन्तर्किया कार्यक्रम गरिएको छ । रत्ननगर पर्यटन प्रर्वद्धन समितिले तयार गरेको पर्यटन विकास सम्बन्धी कार्ययोजनाको मस्यौदा माथि […]

June 13, 2024
रत्ननगरका तीनवटा वडामा पिठुवा खानेपानीको सचेतना कार्यक्रम

रत्ननगर। रत्ननगरको वडा नं. १५ माधवपुरमा रहेको पिठुवा खानेपानी तथा सरसफाई उपभोक्ता संस्थाले रत्ननगरका तीनवटा वडामा सरसफाई सम्बन्धी सचेतना कार्यक्रम गरेको छ ।  संस्थाले आफ्नो सेवाक्षेत्र अन्तर्गतका तीनवटा वडाहरू १४,१५ […]

June 12, 2024
कालिकामा आँखा उपचार केन्द्र स्थापना

कालिका,३०जेठ । कालिका नगरपालिकामा आज(बुधवार)देखि आँखा उपचार केन्द्र संचालनमा आएको छ । कालिकाको वडा नं. ६ को कार्यालय परिसरसँगैको भवनलाई तत्कालका लागि आँखा उपचार केन्द्र बनाइएको छ । उपचार केन्द्रको […]

June 12, 2024
कालिकाका ५५ जना एकल महिलालाई आयआर्जनका लागि बाख्राको पाठी वितरण

कालिका, ३० जेठ । कालिका नगरपालिकाका ५५ जना एकल महिलाहरुलाई आयआर्जनका लागि बाख्राको पाठीवितरण गरिएको छ ।  प्रत्येक वडाका पाँच पाँचजना एकल महिलाहरुलाई प्रजनन् योग्य बाख्राको पाठी वितरण गरिएको हो […]

रेडियो चितवन अन्लाईन
" पौरखीको बोली "

सम्पर्क:

+९७७ - ०५६ ५६२६०६
+९७७ - ०५६ ५६२६०७
रत्ननगर २ , आदर्श टोल, टाडी चितवन
प्राबिधिक : 
अन्जन थापा मगर
अध्यक्ष : 
राजेन्द्र कुमार श्रेष्ठ
स्टेशन प्रबन्धक : 
रमेश राना मगर
बिज्ञापनको लागि बजार प्रमुख तिलक थापा मगर :
 ०५६-५६२६०७, ९८४५०५६२२८
copyright © 2022 radiochitwanonline.com
map-markerclock linkedin facebook pinterest youtube rss twitter instagram facebook-blank rss-blank linkedin-blank pinterest youtube twitter instagram