Listen Live: 

मतदाता सग मत माग्दै गुनासो सुन्दै जोशी

Radio Chitwan
सोमवार, कार्तिक २१, २०७९

प्रतिनिधि सभा र प्रदेशसभा सदस्यको निर्वाचन नजिकिदै गर्दा उम्मेदवारहरुले घरदैलो अभियानलाई तीव्रता दिएका छन् । उम्मेदवारहरु मतदाताको घरदैलोमा पुगेर मत माग्न व्यस्त छन् । चितवन निर्वाचन क्षेत्र नम्बर २ (ख) का प्रदेश सभा सदस्य उम्मेदवार उत्तम जोशी फरक ढङ्गबाट प्रस्तुत भइरहेका छन् । उनी आफ्नो पक्षमा मत माग्नुका साथै मतदाताको समस्या र गुनासो सुन्न व्यस्त छन् । उनी हरेक मतदाताको घरमा पुगेर गुनासो र समस्या सुनिरहेका छन् । मतदाताहरुले पनि अघिल्लो पटक चुनेर पठाएका जन प्रतिनिधिबाट अपेक्षा अनुसारको काम नभएको गुनासो गरिरहेका छन् । चुनावको समयमा जनताको घर दैलोमा पुगेर मत माग्ने मात्रै नभई उनीहरुको समस्या र गुनासो पनि सुन्नु पर्ने जोशी बताउँछन् । ’चुनावमा भोट् माग्न गएर मात्रै हुँदैन । मतदाताको समस्या र गुनासो पनि सुन्नुपर्छ’, जोशी भन्छन्, ’अहिले समस्याहरु सुनिरहेको छु । निर्वाचित भएर गएपछि समाधानतर्फ अघि बढ्छु । म मत मात्रै होइन जनताको मन पनि जित्छ चाहन्छु ।’ घर दैलोको क्रममा जनताबाट नीतिगत भ्रष्टचारको गुनासो बढी आउने गरेको उनी बताउँछन् । चुनाव जित्न घर घर पुग्ने नेताहरु निर्वाचनपछि गायब हुने गरेको भनी गुनासो पनि मतदाताबाट उत्तिकै आउने गरेको उनी सुनाउँछन् । उनका अनुसार सुशासन, बेरोजगारीको गुनासो पनि जनताले उत्तिकै सुनाउने गरेका छ्न् । जोशीसँग मतदाताले भरतपुर १०, ११ र १२ का जनताले डुबानको समस्या बारे गुनासो बढी गरेका छन् । जनताले व्यवस्थित साइकल लेनसहितको सडक पनि चाहेको उनी बताउँछन् । यी समस्याहरु समाधानका लागि पहल गर्ने उनको भनाइ थियो । यी बिषयहरु मध्ये अधिकांश आफ्नो प्रतिवद्धता पत्रमा समेटिएको उनी बताउँछन् । जनताले भोगिरहेको समस्या समाधानका लागि कदापी पछि नहट्ने उनको प्रतिवद्धता छ । आफू काम गर्नका लागि नै निर्वाचनमा होमिएकोले जनतासँग गरेको प्रतिवद्धता पुरा गरेरै छाड्ने उनी बताउँछन् । यसैबीच चितवन २ लाई पर्यटकीय क्षेत्रको रुपमा बिकास गर्ने आफ्नो योजना रहेको उनले बताएका छन् । सौराहा, गोलाघाट लगायातका क्षेत्रमा जाने पर्यटकलाई चितवन २ मा पनि आउने बातावरण बनाउन पर्यटकीय सम्भावना बोकेका क्षेत्रको बिकासका लागि योजना अघि सार्ने उनले बताए । राइनो ताल, जलदेवी सामुदायिक वनलगायत अन्य पर्यटकीय क्षेत्रलाई व्यवस्थित गरेर पर्यटकीय गतिविधि बढाउने सकिने उनको भनाइ छ । नेपाली कांग्रेसका जोशी मंसिर ४ मा हुने निर्वाचनका लागि लोकतान्त्रिक गठबन्धनबाट चितवन २ (ख) का साझा उम्मेदवार हुन् । गठबन्धनबाट प्रतिनिधि सभा चितवन २ मा कांग्रेसकै उमेश श्रेष्ठ र २ (क) मा माओवादी केन्द्रका घनश्याम दाहाल उम्मेदवार छन् ।

आन्य समाचारहरु:-
February 12, 2025
लगानी बोर्डका सिईओ ज्ञवालीसँग मेयर रेग्मीको भेट, शक्तिखोर औधोगिक क्षेत्रबारे छलफल

कालिका, माघ ३० । पूर्वी चितवनको कालिका नगरपालिकाका मेयर विनोद रेग्मीले प्रस्तावित शक्तिखोर औधोगिक क्षेत्र तथा कालिका नगरपालिकाको समग्र बिकासको बारेमा लगानी बोर्डका सिईओ सुशिल ज्ञवालीसँग भेट गरी छलफल गरेका […]

February 5, 2025
कालिकामा स्थानीय विपद् तथा जलवायु उत्थानशील योजना

चितवन, माघ २३ । चितवनको कालिका नगरपालिकाले स्थानिय विपद् तथा जलबायु उत्थानशील योजना, कार्यढाँचा अध्यावधिकका लागि सुचना संकलन गरेको छ ।  विपद् तथा जलबायु उत्थानशील योजना, कार्यढाँचा अध्यावधिकका लागि  स्थानीय […]

January 28, 2025
कालिकामा वडागत फाइल सूची तयारी कार्यशाला

रत्ननगर । कालिका नगरपालिकामा बालमैत्री स्थानीय शासन (सिएफएलजी)का आधारमा कागजात व्यवस्थापनका लागि वडागत फाइल सूची तयारीसम्बन्धी कार्यशाला सम्पन्न भएको छ । कालिका नगरपालिकालाई २०८३ असोज मसान्तभित्र बालमैत्री स्थानीय शासन घोषणा […]

January 28, 2025
रत्ननगर १२ मा नकआउट फुटबल सुरु

रत्ननगर नगर पालिका वडा नं० १२ डाफे मुनाल टोल स्थित सालघारी एफ.सि क्लब को आयोजना मा यहि माघ १४ गते देखि माघ २५गते सम्म बागदेवि खेल मैदान रत्ननगर १२ मा […]

रेडियो चितवन अन्लाईन
" पौरखीको बोली "

सम्पर्क:

+९७७ - ०५६ ५६२६०६
+९७७ - ०५६ ५६२६०७
रत्ननगर २ , आदर्श टोल, टाडी चितवन
प्राबिधिक : 
अन्जन थापा मगर
अध्यक्ष : 
राजेन्द्र कुमार श्रेष्ठ
स्टेशन प्रबन्धक : 
रमेश राना मगर
बिज्ञापनको लागि बजार प्रमुख तिलक थापा मगर :
 ०५६-५६२६०७, ९८४५०५६२२८
copyright © 2025 radiochitwanonline.com
map-markerclock linkedin facebook pinterest youtube rss twitter instagram facebook-blank rss-blank linkedin-blank pinterest youtube twitter instagram