Listen Live: 

विपन्न परिवारको निशुल्क स्वास्थ्य विमा गदै रत्ननगर नगरपालिका

Radio Chitwan
मङ्लबार, कार्तिक १५, २०७९

रत्ननगर । चितवनको रत्ननगर नगरपालिकाले विपन्न नगरबासीको जीवन रक्षाका लागि दुई महत्वपूर्ण कार्यक्रम कार्यान्वयनको अन्तिम तयारी गरेको छ ।

नगर भित्रका विपन्न समुदायका नागरिकको निशुल्क स्वास्थ्य बिमा र स्वास्थ्य उपचार कोष स्थापना गरी कार्यान्वयको अन्तिम तयारी गरेको हो । रत्ननगरका मेयर प्रल्हाद सापकोटाले सपथग्रहण गरेलगतै विपन्न समुदायका परिवारको निशुल्क स्वास्थ्य बिमा गर्ने घोषणा गरेका थिए ।

सो नगरपालिकाले विपन्न परिवारका लागि निःशुल्क स्वास्थ्य बिमा कार्यविधि र विपन्न नागरिकलाई निःशुल्क उपचार कोष कार्यविधि निर्माण गरी कार्यपालिकाबाट पारित गरिएको मेयर प्रल्हाद सापकोटाले जानकारी दिए । नगर भित्रका ३ हजार २०० विपन्न परिवारको निःशुल्क स्वास्थ्य विमा गरिने छ । स्वास्थ्य बिमाको लागि नगरपालिकाले करिब १ करोड रुपैया विनियोजन गरेको मेयर सापकोटाले बताए ।

३ हजार २०० परिवारका लागि प्रतिपरिवार ३ हजारका दरले करिब एक करोड लगानी हुने अनुमान गरिएको छ । स्वास्थ्य बिमाको लागि नगरपालिकाले वडा कार्यालयबाट विपन्न परिवारको नाम माग समेत गरिसकेको छ । वडाहरुबाट नामावली आउनेक्रम जारी रहेकाले आम निर्वाचन लगतै स्वास्थ्य बिमा सुरु हुने छ ।

मेयर प्रल्हाद सापकोटाले आर्थिक अभावका कारण उपचार नपाएर मर्नुपर्ने बाध्यताको अन्त्य गर्न विपन्न समुदायका परिवारको निशुल्क स्वास्थ्य बिमा गर्न लागिएको बताए । कार्यपालिकाको बैठकले कार्यविधि पारित गरिसकेको छ उनले भने चुनाब लगतै बिमा गर्नेछौं । रत्ननगर अस्पताललाई पहिलो अस्पताल तोकेर बिमा गरिने छ ।

रत्ननगर अस्पतालमा स्वास्थ्य बिमा गर्ने र थप उपचार गर्नुपर्ने आवश्यकता देखिए त्यहीबाट रिफर गरेर अन्य अस्पताल जान सकिने व्यवस्था मिलाइने मेयर सापकोटाले बताए । रत्ननगर अस्पतालमा आउने विपन्न समुदायका विरामीहरु आर्थिक अभावकै कारण उपचार नगराई फर्किनु परेको अबस्थालाई मध्यनजर गरी सो नगरपालिकाले ३० लाख रुपैयाको स्वास्थ्य उपचार कोष स्थापना गरेको हो ।

सो कोष पनि चुनावपछि कार्यान्वयनमा आउने छ । कोषबाट एउटा विरामीलाई अधिकतम १० हजार रुपैया उपचारका लागि खर्च गर्ने गरी कार्यविधि तयार गरिएको प्रमुख प्रशासकीय अधिकृत छविलाल सुवेदीले जानकारी दिए ।

आन्य समाचारहरु:-
June 22, 2024
सक्षम आमा समुहमा महिला सशक्तिकरणका लागि प्रशिक्षण

रत्ननगर । रत्ननगर नगरपालिका वडा नं १० का महिलाहरुलाई महिला अधिकार, पहुँच तथा सशक्तिकरण सम्बन्धी प्रशिक्षण दिइएको छ । वडा कार्यालयको आर्थिक सहयोगमा सक्षम आमा समूहले आयोजना गरेको कार्यक्रममा ७५ […]

June 20, 2024
झुवानीमा विद्यार्थीलाई आत्महत्या राेकथाम तथा मनोसामाजिक सचेतना

रत्ननगर । रत्ननगर नगरपालिका वडा नं ५ स्थित झुवानी माविका विद्यार्थीहरुलाई मानसिक स्वास्थ्य, आत्महत्या रोकथाम तथा मनोसामाजिक परामर्श सम्बन्धी सचेतनामुलक प्रशिक्षण दिइएकाे छ ।  नेपाल रेडक्रस सोसाइटी उपशाखा बछौलीको आयोजना […]

June 17, 2024
प्रथम माधवपुर गाेल्डकपकाे आयव्याय सार्वजनिक

रत्ननगर । रत्ननगर नगरपालिका वडा नं १५ मा सम्पन्न प्रथम माधवपुर गाेल्डकपकाे आयव्याय सार्वजनिक गरिएकाे छ । आयाेजक माधवपुर खेलकेद विकास समितिले साेमबार पत्रकार सम्मेलनकाे आयाेजना गरि आयव्याय सार्वजनिक गरेकाे […]

June 17, 2024
बंगलादेशले नेपाललाई दियो १०७ रनको चुनौती

काठमाडौं – आईसीसी टी–२० क्रिकेटको अन्तिम खेलमा नेपाललाई बंगलादेशले १०७ रनको चुनौती दिएको छ । नेपालसँग बंगलादेश १९.३ बल खेल्दै १०६ रनमा अलआउट भएको हो । बंगलादेशलाई सस्तैमा समेट्न नेपालका […]

रेडियो चितवन अन्लाईन
" पौरखीको बोली "

सम्पर्क:

+९७७ - ०५६ ५६२६०६
+९७७ - ०५६ ५६२६०७
रत्ननगर २ , आदर्श टोल, टाडी चितवन
प्राबिधिक : 
अन्जन थापा मगर
अध्यक्ष : 
राजेन्द्र कुमार श्रेष्ठ
स्टेशन प्रबन्धक : 
रमेश राना मगर
बिज्ञापनको लागि बजार प्रमुख तिलक थापा मगर :
 ०५६-५६२६०७, ९८४५०५६२२८
copyright © 2022 radiochitwanonline.com
map-markerclock linkedin facebook pinterest youtube rss twitter instagram facebook-blank rss-blank linkedin-blank pinterest youtube twitter instagram