रत्ननगर । रोटरी क्लब अफ रत्ननगर र पूर्वी चितवन पत्रकार मञ्च बीच मंगलवार विहान भएको मैत्रीपूर्ण फुटवलमा बराबरी भएको छ ।

रोटरी क्लवको अगुवाईमा भएको सो खेलमा दुबै टिममले एक एक गोल गरेका थिए । पत्रकारहरुको टिमबाट राजनदिल गुरुङ र रोटरीको तर्फबाट अमित भूषालले एक एक गोल गरेको क्लवका सचिव लक्ष्मीलाल श्रेष्ठले जानकारी दिए । प्रतियोगितामा रोटरी क्लवका खेलाडी मधुसुदन लामिछाने उत्कृष्ट खेलाडी घोषित भएका थिए ।

उद्घाटन कार्यक्रममा क्लवका अध्यक्ष रामहरि लम्सालले तिहारको अबसरमा पत्रकार र रोटरी क्लव बीच आत्मियता साटासाट गर्न मैत्रीपूर्ण फुटवल आयोजना गरिएको बताए ।

वडा नं २ का वडाध्यक्ष राजेन्द्र घिमिरे प्रमुख अतिथि रहेको उद्घाटन कार्यक्रममा जोन ३२ का असिष्टेन गर्भनर विपीन पोखरेल, रोटरी क्लवका संस्थापक अध्यक्ष राजेन्द्रकुमार श्रेष्ठ, पूर्वी चितवन पत्रकार मञ्चका अध्यक्ष होमनाथ सापकोटा लगायतको उपस्थिति रहेको थियो ।