रत्ननगर असोज ७-
पेवा बचत तथा त्रृण सहकारी संस्थाको बिहिबार १० औं वार्षिक साधरण सभा तथा चौंथो अधिवेशन सम्पन्न भएको छ । रत्ननगर नगरपालिकाका नगर प्रमुख प्रल्हाद सापकोटाको प्रमुख आतिथ्यतामा संस्थाको आफ्नै भवनमा सम्पन्न भएको थियो । अधिवेशनमा संचालक समिति तथा लेखा सुपरिेबेक्षण समिति पदाधिकारीहरु निर्बिरोध निर्वाचित भएका छन् । त्यस्तै अध्यक्षमा नवराज तिमल्सिना, उपाध्यक्ष मधुसूदन लामिछाने, सचिव शिवलाल श्रेष्ठ, कोषाध्यक्ष अरुण शिवाकोटी चयन भएका छन् ।

सदस्यहरुमा तारा प्रसाद दुवाडी, बालकृष्ण दाहाल, ठाकुर प्रसाद पन्त, शर्मिला लामिछाने, सुवास दाहाल चयन भएका छन् । त्यस्तै संयोजक माधव खतिवडा, सदस्य शान्तमणी अधिकारी र पदम नारायण पौडेल चयन भएका छन् ।
पुर्वराज्य शिक्षामन्त्री शेषनथ अधिकारी विशिष्ट अतिथि रहनुभएको कार्यक्रममा संस्थाका अध्यक्ष गोविन्द भट्टराईले वार्षिक प्रतिवेन प्रस्तुत गरेका थिए । उनले ४ वर्ष व्यावसायिक रणनितीक कार्य योजना प्रस्तुत गर्दे शेयर पुँजि १३ करोड, बचत ९३ करोड, कुल सम्पति १ सय २३ करोड योजना प्रस्तुत गरेका थिए ।

उक्त कार्यक्रममा लेखा समिति संयोजक अरुण कुमार सिवाकोटिले लेखा सुपरिवेक्षक प्रतिवेदन प्रस्तुत गरेका थिए । संस्थाले उत्कृष्ट कर्मचारी रन्जिता पन्थ र सन्तोष नेपाललाई सम्मान गरिएको थियो । साथै जेष्ठ नागरीक नन्दलाल देवकोटा, घनश्याम खनाल, रामचन्द्र पण्डित, टेक बहादुर चापागाई, मान बहादुर चापागाई, बहादुर श्रेत्री नेपाल र भवनाथ गजुरेलार्ई सम्मान गरिएको संस्थाका व्यवस्थापक किशोर भट्टराईले जानकारी दिएको थियो । त्यस्तै कार्यक्रममा संस्थाका उपाध्यक्ष्य मधुसुदन लामिछाने, वडा अध्यक्ष राजेन्द्र प्रसाद घिमिरे, पिठुवा डायरी संञ्चालक समितिका सल्लाहाकार गजेन्द्र अधिकारी लगायतको सहभागिता रहेको थियो ।

त्यस्तै उत्कृष्ट बचत कर्ता वडा नं. २ का लाल बहादुर राणा, सविता कुमारी बस्नेत, दिपक पौडेल, लगायतको रहेका छन् । कार्यक्रम सञ्चालन संस्थाका सचिव सिवलाल श्रेष्ठले सञ्चालन गर्नुभएको थियो भने संस्थाका अध्यक्ष भट्टराईले कार्यक्रम समापन गर्नुभएको थियो ।