चितवन, असोज १-

कालिका नगरपालिकामा खुल्ला नकआउट फुटबल प्रतियोगिता सुरु भएको छ । कालिका वडा नं १ गडुवा लालिगँुरास टोल विकास संस्थाको आयोजनामा आजबाट खेल सुरु भएको हो । कालिका नगरपालिकाका नगर प्रमुख बिनोद रेग्मि प्रमुख अतिथि रहनुभएको कार्यक्रममा उँहाले खेलाडिहरुलाई बल हस्तान्तर गरेपछि खेल सुरु भएको हो । आज – शनिवार) देखि सुरु भएको खेल १६ गते सम्म सञ्चालन हुने छ । उक्त कार्यक्रममा उपप्रमुख बिमला तमाङ्ग, बिशिष्ट अतिथिको रुपमा रहनुभएको थियो ।

त्यस्तै वडा नं १ का वडा अध्यक्ष सन्तबिर स्या ङतान,रत्ननगर नगरपालिका वडा नं ११ का वडा अध्यक्ष श्याम कुमार श्रेष्ठ, लालिगँुरास टोल बिकास संस्थाका अध्यक्ष कृष्ण प्रसाद घिमिरे, समाज सेवी रमाकान्त पौडेल, पेन्गुइन कन्सल्टेन्सीका प्रमुख सुदिप भट्टराई लगायतको उपस्थिति रहेको थियो । कार्यक्रम संयोजक जिवन थापामगरले अतिथिहरुलाई स्वागत गर्नुभएको थियो ।प्रतियोगिताको उद्घाटन खेलमा आज सशस्त्र एपि एस भण्डराले जिरौना क्लबलार्ई २–१ ले हराएको छ ।

खेलकुद संयोजक जीवन थापा मगरका अनुसार प्रथम हुने समुहलाई २ लाख २२ हजार २२, दोस्रो हुने समुहलाई १ लाख ११ हजार ११ नगद पुरस्कार साथै शिल्ड, कप मेडल र प्रमाण पत्रको व्यवस्था गरेको बताएका छन् ।