चितवन । पूर्वी चितवनको कालिका नगरपालिकाका मेयर विनोद रेग्मीले जनताको गुनासो सुन्दै नगर क्षेत्रभित्र भएका विकास निर्माण र सेवा प्रवाहको स्थलगत अनुगमन थालेका हुन् ।
नगरमा भएका विभिन्न विकास निर्माणमा लापरवाही गर्ने बढेको भन्दै मेयर नै एक्सनमा उत्रिएर अनुगम थालेको स्पष्ट पारे । उनले पहिलो चरणमा अनुगमसगौ पहिलो पटक ठेक्केदारहरुको पत्रिकामा नाम नै निकालेर कालोसूचीमा राखेको पनि जानकारी गराए ।
विकासको काममा स्थानीयबासिबाट निरन्तर सहयोगको अपेक्षा गरिएको समेत मेयर रेग्मी बताए । जनताकै सेवा गर्छु भनेर आएको हुँ उनले भने, मैले नै सुरु नगरे कसले गर्छ, म अनुगमसगैँ विकास निर्माणमा चनाखो भएर निगरानी गर्न जनतालाई भनि पनि रहेको छु ।

दैनिक जसो अनुगम गर्न उपमेयर, नगर सदस्य र वडा अध्यक्षहरुलाई समेत आफुले सक्रिय बनाएको उनको भनाई थियो । उनले नगर भित्र भन्दै गरेको नगर भवन, सडक पिच गर्ने, विद्यालय, स्वास्थ्य केन्द्र लगायतका ठाँउमा समेत आफै पुगेर निगरानी र स्थलगत निरीक्षणसगैँ समयमा नै काम सक्न ठेक्केदारहरुलाई निर्देशन पनि दिएका छन् ।

अनुगमनका क्रममा लामो समयदेखि नगर विकास आयोजनाले समेत अलपत्र छाड्दै आएको ठाँउहरुको अनुगमन गर्दा केही स्थानीयवासीले छिटो काम सम्पन्न गर्नुपर्ने भन्दै मेयर रेग्मीसँग गुनासो गरेका थिए ।

केहीले घर अगाडि नै विजुलीका तारहरु अलपत्र पारेको, निर्माणकार्यमा ढिलासुस्ती गरेको जस्ता आक्रोश व्यक्त गरेका थिए । मेयर रेग्मीले पनि स्थानीयका गुनासा सुन्दै छिटो–भन्दा छिटो काम सम्पन्न गर्ने गरी आफू अघि बढ्ने प्रतिवद्धता व्यक्त गरेका छन् । उनले विकास निर्माणका काममा अवरोध हुन नदिने प्रतिवद्धता व्यक्त गरे ।

सो अवसरमा उनले स्थानीयले विकास निर्माणका काममा भएका ढिलासुस्तीलगायतका बारेमा गरेका गुनासोलाई आफूले सकारात्मक रुपमा लिएको भन्दै त्यसले जनप्रतिनिधिलाई थप जिम्मेवार बनाउने बताए ।

अनुगमनको क्रममा सम्पन्न भएका सबै योजनाहरु तोकिएको मापदण्डअनुसार नै सम्पन्न भएको पाइएको र मापदण्ड पूरा नगररै सम्पन्न भएका योजनाहरुको हकमा भुक्तानी दिँदा कटौती गरेर दिने गौतमले जानकारी दिए । अनुगमनका क्रममा कामले गति लिएको पाइएको साथै कामका क्रममा आएका विभिन्न समस्याको समाधानमा पहल समेत गर्ने उनले बताए ।