रत्ननगर, ५ असार । रत्ननगर नगरपालिका महिला वालवालिका तथा ज्येष्ठ नागरिक शाखाको आयोजनामा रत्ननगर नगरपालिका भित्रका उच्च शिक्षा अध्ययनरत विपन्न वर्गका छात्राहरुलाई छात्रवृद्धि वितरण गरेको छ । रत्ननगरपालिकाको आर्थिक वर्ष २०७८को बार्षिक कार्यक्रम अन्र्तगत उप प्रमुख संग पत्रकार कार्यक्रमबाट आर्थिक वर्ष २०७८ पौष २६ गतेका दिन बसेको कार्यपालिकाको बैठकको निर्णय अनुसार रत्तननगर नगरपालिकाको १६ वटै वडामा बसोबास गर्ने सरकारी बिद्यालयमा स्नातक वा सो भन्दा माथी अध्ययनरत विपन्न वर्गका छात्राहरुलाई आज (आइतबार ) छात्रवृद्धि वितरण गरिएको हो ।

उक्त कार्यक्रममा ४२ जना निवेदन परिएकोमा ३६ जना छनोटमा परेको साहायक महिला विकास निरिक्षक जयन्ती रानाभाटले जानकारी दिनुभयो । कार्यक्रममा रत्ननगर नगरपालिकाका उप प्रमुख यादव प्रसाद पाठक, महिला विकास अधिकृत दीपा घिमिरे, महिला विकास निरिक्षक रञ्जना पौडेल र स्वास्थ्य प्रमुख माधव पौडेल लगायतको सहभागीता रहेको थियो ।