Listen Live: 

फुटको संघारमा गैरआवासीय नेपाली संघ

Radio Chitwan
सोमवार, फाल्गुन २३, २०७८

काठमाडौं, १९ फागुन । सदस्यता र मतदाता छनोटका विषयमा देखिएको विवाद निरुपण हुन नसक्दा गैरआवासीय नेपाली संघ (एनआरएनए) फुटको संघारमा पुगेको छ ।

सदस्यता विवाद समाधान गरी निर्वाचन गराउन पूर्वअध्यक्ष शेष घलेको नेतृत्वमा उच्चस्तरीय समिति बनेको थियो । तर समितिले अघि सारेको सहमतिको खाका कार्यान्वयन नगरी कार्यसमितिले निर्वाचन गर्न खोजेपछि विवाद चर्किएको छ ।

संघका पूर्वअध्यक्षहरु सम्मिलित उच्चस्तरीय समितिमा विधान विपरीत कायम भएका मतादाता संख्या कटौती गरी निर्वाचन गर्ने सहमति भएको थियो ।

तर संघको कार्यसमितिले त्यसलाई स्वीकार गर्न मानेन । बरु बुधबार बसेको कार्यसमिति वैठकले निर्वाचन प्रक्रिया रोक्न माग गरिरहेका अमेरिका, बेलायत, अष्ट्रेलिया, क्यानडा र जापानका निर्वाचित कार्यसमितिलाई भंग गरी नयाँ कार्यसमिति गठन गर्ने निर्णय गरेको छ ।

साथै संघले संस्थाका पूर्व अध्यक्ष एवं पदाधिकारी सदस्य रहेको संरक्षक परिषद् पनि विघटन गर्ने निर्णय गरेको छ । निर्वाचन प्रक्रिया अवैधानिक रहेको भन्दै सुधारको माग गर्ने पक्षलाई कारवाही गरेपछि संघमा फुटको खतरा बढेको असन्तुष्ट पक्षले बताएको छ ।

असन्तुष्ट पक्षको नेतृत्व गरिरहेका कुल आचार्य आफ्नो कोशिस अझै पनि संस्थाको एकता भएको बताउँछन् । ‘संस्थाको एकता बचाउँ भनेर नै हामीले विवाद समाधानका लागि मध्यमार्गी बाटो निकाल्न कोसिस गरेका थियौं, तर अर्को पक्षका साथीहरुले पेलेरै जाने, अन्यायमा पर्‍यौं भन्ने पक्षलाई सुन्दै नसुन्ने नीति लिनुभयो,’ आचार्यले अनलाइनखबरसँग भने, ‘अवैधानिक सदस्यहरुले भोट हाल्ने चुनावमा हामी सहभागी हुने अवस्था छैन । यदि संस्था फुट्ने अवस्था आयो भने दोषको भागीदार अहिलेको नेतृत्व हुनेछ ।’

आचार्यका अनुसार झण्डै ४० वटा देशका गैरआवासीय नेपाली संघहरुले संस्थामा सुधारको माग राख्दै आएका छन् । जसमा सबभन्दा धेरै सदस्य संख्या रहेका अमेरिका, बेलायत, अष्ट्रेलिया र जापान पनि छन् । संस्थामा हाल झण्डै १ लाख सदस्य छन्, जसमध्ये करिव ६० हजार यी पाँच देशमा मात्र छन् ।

सबै मुलुकमा गर्दा ७० हजार सदस्य संस्थामा सुधारको पक्षमा रहेको आचार्यको दाबी छ । तर संस्थामा सुधारको गुञ्जायस नभएपछि आफूहरुले अब गैरआवासीय नेपाली संघ राष्ट्रिय परिषद्हरुको बेग्लै भेला बोलाउने तयारी गरेको आचार्य बताउँछन् ।

अध्यक्ष कुमार पन्तसहितको संस्थापन पक्षले भने चुनाव गराउने तयारीमा लागेको छ । यदि एउटा पक्षले चुनाव गराउने र असन्तुष्ट पक्षले छुट्टै भेला गर्ने हो भने गैरआवासीय नेपाली संघमा फुट आउनेछ । २० बर्षअघि स्थापना भएको गैरआवासीय नेपाली संघ सन् २०१३ मा पराराष्ट्र मन्त्रालयमा सामाजिक संस्थाका रुपमा दर्ता भएको थियो ।

आन्य समाचारहरु:-
April 22, 2024
कतारका राजालाई राष्ट्रपतिले त्रिभुवन विमानस्थलमा स्वागत गर्ने

काठमाडौं– कतारका अमिर शेख तामिम विन हमद अल थानीलाई मंगलबार राष्ट्रपति रामचन्द्र पौडेलले स्वागत गर्ने भएका छन् । परराष्ट्र मन्त्रालयका अनुसार अमिर थानीलाई मंगलबार अपराह्न ५: ३५ मा त्रिभुवन अन्तर्राष्ट्रिय […]

April 12, 2024
प्रवासी बोकेको डुंगा चट्टानमा ठोक्किँदा तीन बालिकाको मृत्यु

एथेन्स– पूर्वी ग्रिसको चिओस टापुमा उद्धारकर्ताहरूले प्रवासीहरू बोकेको डुङ्गा चट्टानमा ठोक्किँदा मृत्यु भएका तीन बालिकाको शव फेला पारेका छन्  । टर्किएबाट करिब २० किलोमिटर टाढा टापुको उत्तरपूर्वमा तटीय गार्डले अन्य […]

April 5, 2024
एचएनबिजिको छैटौं शाखा इजाकाया होक्काइडो र्‍याडिसन परिसरमा 

  काठमाडौं- होक्काइडो नेपाल बिजनेस ग्रुप (एचएनबिजि)ले छैटौं शाखा इजाकाया होक्काइडो र्‍याडिसन होटेल परिसर लाजिम्पाटमा सञ्चालनमा ल्याएको छ । नेपालमा जापनिज फुड कल्चर भित्र्याउने संस्थाको रूपमा रहेको एचएनबिजिले सन् २०१९ […]

April 5, 2024
आठ महिनामा नौ खर्ब ६१ अर्ब भित्रियो रेमिट्यान्स

आर्थिक मन्दीको सङ्केत बजारमा देखिइरहँदा राष्ट्र बैङ्कको तथ्याङ्कमा भने निरन्तर सुधार देखिएको छ । व्यापार व्यवसायमा सुस्तता, व्यापारीमा निराशा बढेको तथा उद्योगधन्दा पूर्ण क्षमतामा सञ्चालनमा आउन नसकिरहेको अहिलेको अवस्थामा पनि […]

रेडियो चितवन अन्लाईन
" पौरखीको बोली "

सम्पर्क:

+९७७ - ०५६ ५६२६०६
+९७७ - ०५६ ५६२६०७
रत्ननगर २ , आदर्श टोल, टाडी चितवन
प्राबिधिक : 
अन्जन थापा मगर
अध्यक्ष : 
राजेन्द्र कुमार श्रेष्ठ
स्टेशन प्रबन्धक : 
रमेश राना मगर
बिज्ञापनको लागि बजार प्रमुख तिलक थापा मगर :
 ०५६-५६२६०७, ९८४५०५६२२८
copyright © 2022 radiochitwanonline.com
map-markerclock linkedin facebook pinterest youtube rss twitter instagram facebook-blank rss-blank linkedin-blank pinterest youtube twitter instagram