काठमाडौँ, असोज ३- संविधान दिवस, २०८० आज देशभर विभिन्न कार्यक्रम गरी मनाइँदैछ । देशभरका सरकारी तथा निजी कार्यालय, विदेशस्थित कूटनीतिक नियोग, राजनीतिक दल, नागरिक समाज, सङ्घसंस्थालगायतले विभिन्न कार्यक्रम गरी संविधान […]
रेनु दाहालको पहिलो निर्णयः छोरीहरुको जीवन बिमा
Radio Chitwan
बुधबार, जेष्ठ ११, २०७९
चितवन,११ जेष्ठ । भरतपुर महानगरपालिकाले महानगरभित्र जन्मिने छोरीहरुको लागि जीवन बिमा गर्ने निर्णय गरेको छ ।
नवनिर्वाचित महानगर प्रमुख रेनु दाहालले आज विहान पदभार ग्रहण गर्दै महानगरका सरकारी स्वास्थ्य संस्थामा जन्मिने छोरीका लागि एक लाख रुपैयाँको जीवन बिमा गर्ने निर्णय गरेकी हुन् । यस निर्णय आजकै मितिदेखि लागू हुने दाहालले जानकारी दिइन् । १५ वर्ष पश्चात छोरीहरुले एक लाख रुपैयाँ पाउने छन् ।
महानगरले बीमाको वार्षिक प्रिमियम तीन हजार ३ सयको दरले १५ वर्षमा ५० हजार रुपैयाँ व्यहोर्नेछ । ‘आज हामीले दुई वटा महत्वपूर्ण निर्णय गरेका छौं, यी सबै निर्णयले भरतपुरबासीलाई सहज हुनेमा विश्वास छ’–दाहालले भनिन् ।
महानगरले आर्थिक वर्ष २०७९÷८० भित्रमा एक हजार ७५० बालिकाको जीवन बिमा गर्ने लक्ष्य लिएको छ भने १५ वर्षमा २६ हजार २५० जना लाभान्वित हुने अपेक्षा गरिएको छ । यस्तै महानगरले मासिक ७ हजार लिटर खानेपानी निःशुल्क गर्ने निर्णय गरेको छ । महानगरबासीका विपन्न परिवारलाई लक्षित गरि ७ हजार लिटर खानेपानी खपत गर्नेको रकम महानगरले नै व्यहोर्ने भएको छ ।
सो भन्दा बढी पानी खपत गरे सेवाग्राही आफैले रकम व्यहोर्नुपर्ने हुन्छ । महानगरका अनुसार यस निर्णयले ५२ प्रतिशत उपभोक्ता लाभान्वित हुनेछन् । खानेपानी निःशुल्क गरेपछि महानगरको वार्षिक २ करोड ५० लाख रुपैयाँ खर्च हुने अनुमान गरिएको छ ।
आन्य समाचारहरु:-
चितवनमा २ हजार किलो भारतीय अवैध माछा नष्ट
चितवन, असोज १- चितवनमा २ हजार किलो भारतीय अवैध माछा नियन्त्रणमा लिएर नष्ट गरिएको छ । आइतवार सुरक्षाकर्मीको सहयोगमा अवैध माछा बोकेको लु ३ च १७९४ नम्बरको बोलेरो रामनगरबाट नियन्त्रणमा […]
आज हरितालिका (तीज) व्रतः ‘महिला, पुरुष दुवैले गर्नुपर्छ’
काठमाडौँ, असोज १- धर्मशास्त्रीय रुपमा महिला, पुरुष दुवैले हरितालिका (तीज) को व्रत गर्नुपर्ने भए पनि सामाजिक चर्चा भने महिलाले श्रीमान्को दीर्घायुको कामनाका लागि गर्ने बुझाइ छ । व्रत गर्ने पुरुषले […]
उत्कृष्ट समिति र भातृ संस्थालाई मगर संघको सम्मान
नारायणगढ । नेपाल मगर संघ चितवनले कार्यसम्पादनमा उत्कृष्ट भएका प्रारम्भिक समिति तथा भातृ संगठनलाई सम्मान गरेको छ । शनिबार नारायणगढमा भएको ४२औं साधारण सभामा प्रारम्भिक समिति तथा भातृ संगठनहरूलाई भरतपुर […]
