Listen Live: 

शुक्रवार राति आएको हावाहुरीले दाङमा ८० भन्दा धेरै घरको छाना उडायो, १ करोड रुपैयाँको क्षति

Radio Chitwan
आइतवार, जेष्ठ ८, २०७९

दाङ, ८ जेठ । दाङको देउखुरीमा पनीसँगै आएको हावाहुरीले ८० वटा भन्दा धेरै घरको छाना उडाएको छ । गएको शुक्रवार राति आएको हावाहुरी र पानीले राप्ती गाउँपालिका वडा नम्बर ३ मा ३२ वटा घरको छानो उडाएको हो । वडा नम्बर ३ मा ४० लाख रुपैयाँभन्दा धेरैको क्षति भएको राप्ती गाउँपालिका वडा नम्बर ३ का अध्यक्ष उमेश अधिकारीले जानकारी दिनुभएको छ ।
हावाहुरीसँगै आएको पानीले वडा नम्बर ३ को मसुरीया, नयाँबस्ती, बागढड्डी लगायतका गाउँमा खर, टिन र टायलले छाएको बस्ने घर, गोठ र भान्सा घरको छाना उडाएको छ ।
त्यसैगरी राप्ती गाउँपालिका वडा नम्बर ४ मा ५० वटा भन्दा धेरै घरको छाना उडाउनुका साथै घरभित्र भएका अन्नपात, लत्ताकपडा भिजेर ५५ लाख रुपैयाँ बराबरको क्षति भएको वडा नम्बर ४ का अध्यक्ष वीरबहादुर चौधरीले जानकारी दिनुभयो । वडाध्यक्ष चौधरीका अनुसार वडा नम्बर ४ को मौरीघाट, खिनैटा, मझनीगढ, पैसठ्ठी नम्बर, सुन्दरपुर, पिपरखुटी, नयाँगाउँमा हावाहुरीले क्षति पुर्‍याएको हो ।

हावाहुरीले राप्ती गाउँपालिका वडा नम्बर ४ पैसठ्ठी नम्बर मौरीघाटकी २९ वर्षीया प्रमिला चौधरी घाइते हुनुभएको छ । नजिकैकै मण्डलीमा काम गरिरहेका बेला हावाहुरीले उडाएको टिनले चौधरीको बायाँ खुट्टाको कुरकुच्चा काटेको छ । गहिरो घाउ भएपछि चौधरीलाई तत्काल लमहीको प्लोरेन्स अस्पतालमा सामान्य उपचारपछि थप उपचारका लागि काठमाण्डौ पठाइएको छ ।
घटनाको थप विवरण आउने क्रम जारी छ । शनिवार बिहानैदेखि वडा नम्बर ३ का अध्यक्ष उमेश अधिकारी र वडा नम्बर ४ का अध्यक्ष वीरबहादुर चौधरीको टोलीले आ–आफ्नो वडामा क्षतिको विवरण सङ्कलन गरिरहेका प्रहरीले जनाएको छ ।
शुक्रवार राति आएको हावाहुरीले पुर्‍याएको क्षतिबारे राप्ती गाउँपालिकाका अध्यक्ष प्रकाश विष्टले स्थलगत अनुगमन गर्नुभएको छ । क्षति भएका घर परिवारलाई पालिकाको तर्फबाट र नेपाल सरकारको तर्फबाट क्षतिपूर्ति उपलब्ध गराउने बताइएको छ ।

आन्य समाचारहरु:-
May 18, 2024
सनातन हिन्दुधर्म ध्वस्त भएका कारण राष्ट्रको अवस्था जरजर भएको छ : पूर्वमन्त्री पाण्डे

चितवन । चितवन क्षेत्र नं. ३ का सांसद एवं पूर्वमन्त्री बिक्रम पाण्डेले सनातन हिन्दुधर्म ध्वस्त भएका कारण राष्ट्रको अवस्था जरजर भएको उल्लेख गर्नुभएको छ । राप्रपा नगर कमिटी रत्ननगरले आयोजना […]

May 18, 2024
जीवन विकास लघुवित्तको वित्तीय साक्षरता : उत्कृष्ट कारोबार गर्ने सदस्य पुरस्कृत

रत्ननगर । जीवन विकास लघुवित्त वित्तीय संस्था लि.ले शनिबार वित्तीय साक्षरता तथा उत्कृष्टक करोबार गर्ने सदस्यहरुलाई पुरस्कृत गरेको छ । सो संस्थाको राप्ती शाखाले खैरहनीमा केन्द्र प्रमुख गोष्ठी तथा वित्तीय […]

May 17, 2024
संरक्षणमा नेचर गाइडको भूमिका महत्वपूर्ण

मेघौली । वन्यजन्तु संरक्षणमा नेचर गाइडको भूमिका महत्वपूर्ण भएको कार्यक्रमका सहभागीहरूले बताएका छन। मेघौली– घटगाई नेचर गाइड एसोसिएसन भरतपुर चितवनको आयोजनामा शुक्रबार मेघौलीमा सम्पन्न स्थानिय निकायका साथै सरोकारवालाहरू सँग परिचयात्मक […]

May 17, 2024
राइटपाथ चितवनको ‘ग्रान्ड एजुकेसन कन्क्लेभमा’ विद्यार्थीहरूको उत्साहजनक सहभागिता

रत्ननगर, जेठ ४ । शैक्षिक परामर्श दाता संस्था राइटपाथ करियर काउन्सिलिङले चितवनमा आयोजना गरेको ‘ग्रान्ड एजुकेसन कन्क्लेभ २०२४’ सम्पन्न भएको छ । शुक्रवार नारायणगढको लायन्सचोक स्थित संस्थाको कार्यालयमा आयोजित कार्यक्रममा […]

रेडियो चितवन अन्लाईन
" पौरखीको बोली "

सम्पर्क:

+९७७ - ०५६ ५६२६०६
+९७७ - ०५६ ५६२६०७
रत्ननगर २ , आदर्श टोल, टाडी चितवन
प्राबिधिक : 
अन्जन थापा मगर
अध्यक्ष : 
राजेन्द्र कुमार श्रेष्ठ
स्टेशन प्रबन्धक : 
रमेश राना मगर
बिज्ञापनको लागि बजार प्रमुख तिलक थापा मगर :
 ०५६-५६२६०७, ९८४५०५६२२८
copyright © 2022 radiochitwanonline.com
map-markerclock linkedin facebook pinterest youtube rss twitter instagram facebook-blank rss-blank linkedin-blank pinterest youtube twitter instagram