Listen Live: 

प्रधानन्यायाधीश महाअभियोग सिफारिस समितिको सदस्यमा चितवनका सांसद पोखरेल चयन

Radio Chitwan
आइतवार, फाल्गुन २२, २०७८

चितवन, फागुन २२ । प्रतिनिधि सभाले आज गठन गरेको महाभियोग सिफारिस समितिमा चितवनका एमाले सांसद कृष्णभक्त पोखरेल सदस्यमा चयन भएका छन् ।
एमाले चितवनका पूर्वअध्यक्षसमेत रहेका पोखरेल कानुनका विज्ञ पनि हुन् । प्रधानन्यायाधीश चोलेन्द्रशमशेर राणामाथि लगाइएको महाभियोगको छानबिन गर्न सो समिति गठन भएको हो ।
सभामुख अग्निप्रसाद सापकोटाले आजको संसद बैठकमा समिति गठन गर्ने प्रस्ताव निर्णयार्थ पेस गरेका थिए उक्त प्रस्ताव बहुमतले पारित भएको छ ।
समितिका सदस्यमा चयन भएपछि नारायणी अनलाइनलाई प्रतिक्रिया दिँदै सांसद पोखरेलले संसद अवरोध नगरे पनि संसदीय समितिको काममा एमालेले अवरोध नगरेकोले पार्टीले नाम सिफारिस गरेकै आधारमा आफू छनोट भएको बताए । उनले भने, ‘केही दिनअघि प्रमुख सचेतक ज्यूले कुरा गर्नुभएको थियो । अब समितिले प्रधानन्यायाधीश राणासँग बयानलिएर उनीमाथि लागेका सम्पूर्ण आरोपहरुको छानबिन गर्छ । छानबिन सकेपछि प्रतिवेदन सभामुखलाई बुझाएपछि मात्र महाअभियोगको काम अगाडि बढ्छ ।’
राणाविरूद्ध लगाइएको महाभियोग छानबिनका लागि संविधानको धारा १०१ अनुसार महाअभियोग सिफारिस समिति गठन गरिएको हो।
समितिमा एमालेका तर्फबाट पोखरेलसहित बिष्णु पौडेल, लालबाबु पण्डित, शिवमाया तुम्बाहाम्फे सदस्य छन् । कांग्रेसबाट मीनबहादुर बिश्वकर्मा र रामबहादुर बिष्ट सदस्य छन् । त्यस्तै माओवादी केन्द्रबाट यशोदा सुवेदी र रेखा बिष्ट सदस्य छन् । नेकपा एकीकृत समाजवादीबाट कल्याणी खड्का, लोकतान्त्रिक समाजवादी पार्टीबाट एकवाल मियाँ र जनता समाजवादी पार्टीबाट प्रमोद साह सदस्य बनेका छन्।
राणाविरूद्ध सत्तारूढ गठबन्धनका सांसदहरूले फागुन १ गते संसद सचिवालयमा महाअभियोग प्रस्ताव दर्ता गरेका थिए। महाअभियोग प्रस्ताव दर्ता भएसँगै राणा निलम्बनमा परेका छन् ।
प्रतिनिधिसभा नियमावलीको नियम १६३ को ४ मा समितिले बढीमा तीन महिनाभित्र छानबिन गरेर प्रतिवेदन संसदमा पेस गर्नुपर्ने व्यवस्था छ । समितिको प्रतिवेदन सभामुखले त्यसलाई तत्कालै छलफलमा पेस नगर्न सक्छन् । सभामुखले छलफल गर्ने मिति र समय तोक्नुअघि सांसदहरूलाई अध्ययनको समय दिनुपर्छ । नियमावलीअनुसार त्यस्तो समय न्यूनतम दुई दिनको हुनेछ । तर, सभामुखले यस्तो छलफल लम्ब्याउन सक्नेछन् ।
कति दिनभित्र प्रतिवेदन निर्णयार्थ पेस गरिसक्नुपर्छ भन्नेबारे प्रतिनिधिसभा नियमावलीले कुनै समयको पाबन्दी लगाएको छैन ।

आन्य समाचारहरु:-
February 25, 2024
नारायणगढ-मुग्लिन सडक आजदेखि बन्द नहुने

भरतपुर,फागुन १३- तुइन खोलामा पुल बनाउनका लागि पहाड काट्न सुरू भएपछि दिउँसो चार घण्टा दैनिक बन्द हुँदै आएको नारायणगढ–मुग्लिन सडक आजदेखि बन्द नहुने भएको छ । नागढुङ्गा–मुग्लिन सडक आयोजना पश्चिम […]

February 24, 2024
भरतपुर भ्रमण बर्षको तयारी तीब्रः प्रधानमन्त्रीले उद्घाटन गर्ने,सातै प्रदेशका मुख्यमन्त्रीलाई आमन्त्रण

भरतपुर,फागुन १२- भरतपुर महानगरपालिकाको आयोजनामा हुन लागेको भरतपुर भ्रमण बर्ष २०२४ को उद्घाटनको दिन नजिकिँदै गर्दा तयारी तीव्र पारिएको छ। भरतपुर महानगरका जनप्रतिनिधि ,कर्मचारीहरु र बिभिन्न समितिले भ्रमण बर्षको उद्घाटनका […]

February 24, 2024
रत्ननगरमा विद्यालयकाे हाेस्टेलमा छात्राले गरिन आत्महत्या

रत्ननगर, फागुन १२ । पूर्वी चितवनकाे रत्ननगर नगरपालिका १० मा रहेकाे एक विद्यालयकाे हाेस्टेलमा शनिबार एक छात्राले आत्महत्या गरेकी छन् । एकता शिशु निकेतनमा कक्षा ८ मा अध्ययन गर्ने १४ […]

February 24, 2024
न्यु भरतपुर सबस्टेशनबाट वितरित चार फिडर आज बन्द हुने

चितवन, फागुन १२- आँपटारीस्थित न्यु भरतपुर सबस्टेशनबाट वितरण गरिएको विद्युतका चार वटा फिडर आज बन्द हुने भएका छन् ।सबस्टेशन मर्मतका लागि आज बिहान ११ बजेदेखि दिउँसो ३ बजेसम्म ११ केभीका […]

रेडियो चितवन अन्लाईन
" पौरखीको बोली "

सम्पर्क:

+९७७ - ०५६ ५६२६०६
+९७७ - ०५६ ५६२६०७
रत्ननगर २ , आदर्श टोल, टाडी चितवन
कार्यकारी सम्पादक : 
निरु चेपाङ
प्राबिधिक : 
अनुज प्रजा
अध्यक्ष : 
राजेन्द्र कुमार श्रेष्ठ
स्टेशन प्रबन्धक : 
रमेश राना मगर
बिज्ञापनको लागि बजार प्रमुख तिलक थापा मगर :
 ०५६-५६२६०७, ९८४५०५६२२८
copyright © 2022 radiochitwanonline.com
map-markerclock linkedin facebook pinterest youtube rss twitter instagram facebook-blank rss-blank linkedin-blank pinterest youtube twitter instagram