Listen Live: 

भरतपुरमा विजयलाई विजयी बनाउनोस्, विकासको जिम्मा मेरो होः केपी ओली

Radio Chitwan
आइतवार, बैशाख २५, २०७९

चितवन, २५ बैशाख । नेकपा एमालेका अध्यक्ष केपी शर्मा ओलीले भरतपुरको विकासको जिम्मा आफ्नो भएको बताएका छन् । नारायणगढको क्याम्पाचौरमा आयोजित चुनावी सभालाई सम्बोधन गर्दै नेता ओलीले भरतपुरमा मेयरका उम्मेदवार विजयी सुवेदीलाई विजयी गराए विकासको जिम्मा आफूले लिने बताएका हुन् । उनले प्रचण्डले मेरो छोरीलाई जिताएन भने भनेर कांग्रेस कार्यकर्तालाई धम्क्याउने काम गरेको बताए । ओलीले नेपाली कांग्रेसका सभापति शेरबहादुर देउवाले प्रधानमन्त्री पदका लागि पार्टी सिध्याउन लागेको बताएका छन् । उनले प्रधानमन्त्री पदका लागि पार्टी सिध्याउँदा कार्यकर्ता मुकदर्शक भएको टिप्पणी गरे । ओलीले कांग्रेसका कार्यकर्ताप्रति सहानुभूति प्रकट गरे । जिन्दगीभर कांग्रेस भनेर हिंडेका कार्यकर्ताहरुको मन रोएको भन्दै उनले देश बनाउने अभियानमा लागेको एमालेमा आउन आग्रह गरे ।

साथै नेकपा एमालेका उपाध्यक्ष सुरेन्द्र पाण्डेले गठबन्धनको नाममा प्रचण्ड र देउवाको बीचमा रहेको नक्क्ली प्रेम धेरै दिन नटिक्ने दाबी गरेका छन् । उहाले नेकपा एमालेका उपाध्यक्ष पाण्डेले भरतपुरमा भएको चुनावी सभामा देउवाले रेनु दाहाललाई मैले उम्मेदवार बनाएको हो भन्नु लाजमर्दाे भएको बताए । उनले भरतपुरमा भएको बिगतको स्थानीय तहको निर्वाचनको स्मरण गर्दै अन्तिम क्षणमा आएर मतपत्र च्यातेर, मतपत्र निलेर नांगो ढंगले एमालेलाई भरतपुरमा हराउने काम भएको बताए ।

साथै नेकपा एमालेका वाग्मती प्रदेशका इन्चार्ज काशीनाथ अधिकारीले आगामी स्थानीय तहको निर्वाचनमा एमालेले दुई तिहाई सिटमा विजय हासिल गर्ने दाबी गरेका छन् । उहाले एमालेको चुनावी सभामा बोल्दै उनले विगतको निर्वाचनमा ५२ प्रतिशत सिटमा विजय हासिल गरेको भए पनि यसपटक दुई तिहाई सिटमा विजय हासिल गर्ने बताए । उनले यसपटकको निर्वाचनमा एमालेले कीर्तिमान कायम गर्ने गरी विजय हासिल गर्ने दाबी गरे । उनले पहिलो पटक यो देशमा एमालेले भौतिक पूर्वाधार निर्माणको क्षेत्रमा व्यापकरुपमा अत्यन्तै महत्वपूर्ण काम अगाडि बढाएको विचार राखे । देशको नक्सा बदलेको छ नेकपा एमालेले । देशलाई विकास र समृद्धिको नयाँ युगमा प्रवेश गराउँदै एमाले अगाडि आएको छ । आज यो देशलाई एउटा बलियो पार्टी चाहिएको छ । समृद्धिका लागि हामी आएका छौं ।’ उनले भरतपुर एउटा सपनाका साथ अन्तर्राष्ट्रियस्तरको महानगर बन्नुपर्ने बताए । उनले भरतपुर मानवीय विकाससहितको महानगर बन्न आवश्यक रहेको बताए ।साथै नेकपा एमालेका उपाध्यक्ष रामबहादुर थापा बादलले नेकपा माओवादी केन्द्र पतनको दिशामा अघि बढेको दाबी गरेका छन् । उनले माओवादी केन्द्र आफ्नो नीति र सिद्धान्तबाट पदच्युत भएको बताए । माओवादी केन्द्रको भ्रममा रहेका कार्यकर्तालाइ भ्रममुक्त हुन पनि उनले आग्रह गरे । नेकपा एकीकृत समाजवादी रावणको पुच्छर भएको आरोप लगाउदै उनले शेरबहादुर देउवा नेतृत्वको सरकार जनताको सरकार नभएर दलालहरुको सरकार भएको बताए । गठबन्धन भनेको बाँडीचुँडी खाने गुट मात्र भएको भन्दै उनले गठबन्धन लोकतन्त्र विरोधी भएको आरोप लगाए ।

साथै भरतपुर महानगरका एमालेका उम्मेदवार विजय सुवेदीले आफूहरु महानगरमा निर्वाचित भएपछि सबै विदेशिएका युवाहरुलाई भरतपुर फर्कन आव्हान गर्ने बताएका छन् । सुवेदीले भरतपुरमा निर्वाचित भएसँगै पहिलोपटक लगानी सम्मेलन गरेर रोजगारीको सिर्जना गरी युवाहरुलाई फर्कन आव्हान गर्ने बताएका हुन् । उनले युवाहरुलाई भरतपुरमा आमाबुबासँगै बस्न पाउने बनाउन सकिने विचार राख्दै अरु देशका शहरले विकास गरेजस्तै विकास गर्न सकिने बताए । उनले नेपालकै नमुना र बस्न योग्य शहर बनाउन सकिने दाबी गरे । मेयरका उम्मेदवार सुवेदीले विगत पाँच वर्षमा भरतपुरमा मेयरले आफैले शिलान्यास गरेर आफैँले समापन गरेको कुनै योजना नभएको बताए । उनले भने, ‘ नारायणी नदी किनारमा देवघाटसम्म रेलिङ हालेर पार्कको रुपमा विकास गर्ने आफूसँग योजना भएको बताए ।

आन्य समाचारहरु:-
July 15, 2024
नारायणगढ–मुग्लिङ सडकको माथिल्लो भागको पहिरो नियन्त्रणका लागि दीर्घकालीन योजना नहुँदा हरेक वर्ष जनधनको ठुलो क्षति हुने गरेको छ ।

नारायणगढ– दुई लेनको सडकसँगै १९ वटा पुल निर्माणका लागि अर्बौं रुपियाँ खर्च गरिएको नारायणगढ–मुग्लिङ सडकमा पहिरो नियन्त्रणका लागि छिटपुटबाहेक दीर्घकालीन योजना अघि बढ्न सकेको छैन ।यो समाचार गोरखापत्र दैनिकमा छ, […]

July 14, 2024
राप्तीका उपमेयरले गरे मेयरको गाडी तोडफोड गर्नेलाई कारबाहीको माग

राप्ती । चितवनको राप्ती नगरपालिकाका मेयर शमशेर लामा चढेको गाडी तोडफोड गर्ने समुहको पहिचान गरी कारबाही गर्न माग गरिएको छ । सोही नगरपालिकका उपमेयर देवेन्द्र लामाले आइतबार एक विज्ञप्ती जारी […]

July 13, 2024
रत्ननगर खानेपानी उपभोक्ताको संख्या १४ हजार, ९ सय ६५ नयाँ उपभोक्ता थपिए

रत्ननगर । रत्ननगर खानेपानी तथा सरसफाई उपभोक्ता संस्थाको कुल उपभोक्ताको संख्या १४ हजार भन्दा बढी पुगेको छ । एक वर्षको अवधिमा ९ सय ६५ जना नयाँ उपभोक्ता थपिएसँगै उपभोक्ताको संख्या […]

July 12, 2024
शैक्षिक गुणस्तर सुधारका लागि बछाैली माविमा अन्तरक्रिया

साैराहा । रत्ननगर नगरपालिका वडा नं.६ बछाैलीमा रहेकाे बछाैली माविले  विद्यालयमा शैक्षिक  सुधारका लागि अन्तरक्रिया गरेको छ। विद्यालयमा अतिरिक्त कक्षा संचालन गर्न  र शैक्षिक गुणस्तर सुधारका लागि विधालय व्यवस्थापन समितिले […]

रेडियो चितवन अन्लाईन
" पौरखीको बोली "

सम्पर्क:

+९७७ - ०५६ ५६२६०६
+९७७ - ०५६ ५६२६०७
रत्ननगर २ , आदर्श टोल, टाडी चितवन
प्राबिधिक : 
अन्जन थापा मगर
अध्यक्ष : 
राजेन्द्र कुमार श्रेष्ठ
स्टेशन प्रबन्धक : 
रमेश राना मगर
बिज्ञापनको लागि बजार प्रमुख तिलक थापा मगर :
 ०५६-५६२६०७, ९८४५०५६२२८
copyright © 2022 radiochitwanonline.com
map-markerclock linkedin facebook pinterest youtube rss twitter instagram facebook-blank rss-blank linkedin-blank pinterest youtube twitter instagram