चितवन, वैशाख । राष्ट्रिय महिला फुटबल टोलीका खेलाडीद्धय सावित्रा भण्डारी र पुनम जर्घा मगर सम्मानित भएका छन् ।
चितवन जिल्ला फुटबल संघले राष्ट्रिय टिमसँगै सशस्त्र प्रहरी बल (एपिएफ) एफसीकी फर्वार्ड सावित्रा र त्रिभुवन आर्मी फुटबल क्लबकी डिफेन्डर पुनमलाई नगद ५०(५० हजार रुपैयाँ र सम्मानपत्र सहित सम्मान गरेको हो ।

चितवनको भरतपुरमा जारी राष्ट्रिय महिला लिगको पहिलो चरणको समापन समारोहको अवसरमा (बुधवार) उनीहरुलाई सम्मान गरिएको हो । चोटका कारण लामो समय मैदान बाहिर रहेर पुस्न खेल क्षेत्रमा फर्किन सफल साबित्रा भण्डारी र पुनम जर्घा मगर लाई हौसला प्रदान गर्दै सम्मान गरिएको संघका अध्यक्ष श्री कृष्ण कार्कीले बताए ।

गत भदौमा दशरथ रंगशालामा भएको बंगलादेशसँगको मैत्रीपूर्ण खेलको तयारीमा रहँदा पुनमको मुटुमा समस्या देखिएको थियो । मुख्य प्रशिक्षक ग्यारी फिलिप्सले शल्यक्रियापछि खेल्न सक्दिनन् भन्ने सोचेर उनलाई १२ औँ खेलाडीको रुपमा मैदान पठाएका थिए । तर ८ महिनापछि पुनम मैदान फर्किएकी छन् । असोजमा मुटुको शल्यक्रिया गरेकी पुनमले महिला लिगबाट ८ महिनापछि कमब्याक गरेकी हुन् । उनले महिला लिगमा एपिएफविरुद्धको पहिलो खेलबाट कमब्याक गरेकी हुन् ।

यसै लिगमा उत्कृष्ठ खेल प्रदर्शन गर्नुको साथै पहिलो पटक कप्तानको भुमिकामा आफ्नो टोलीलाई सम्हालदै जीत समेत हात पारिन , यस्तै गत वर्षको राष्ट्रिय महिला लिगमा नेपाल पुलिस क्लबसँगको खेलको क्रममा सम्बाको एन्टेरियर क्रुसिएट लिगामेन्ट (एसीएल) गएको थियो । त्यसपछि उनी १३ महिना मैदानबाट बाहिर रहिन् । कतारमा दायाँ घुँडाको शल्यक्रिया गरेर उनी सात महिनापछि स्वदेश फर्किईन् । १३ महिनापछि दोस्रो राष्ट्रिय महिला लिगमा उनले आर्मीविरुद्ध दोस्रो हाफमा मैदान प्रवेश गर्दै कमब्याक गरेकी थिईन् ।