रत्ननगर । रत्ननगर नगरपालिका वडा १३ मा  रहेको महिलाहरुद्धारा सञ्चालित श्री जनप्रिय कृषि सहकारी संस्था लिको तेस्रो साधारण सभा शनिवार सम्पन्न भएको छ । सो साधारण सभाको प्रमुख अतिथिमा रत्ननगर नगरपालिका वडा नं. १३का वडा अध्यक्ष पोट वहादुर घिमिरे रहनु भएको थियो ।

साधारण सभामा मन्तव्य राख्नु हुदै वडा अध्यक्ष घिमिरेले सहकारीको बृहत्तर विकासका लागि सबैको सहयोग, सल्लाह, सुझावका साथ अगाडी बढने बताउनु भयो । उहाँले सहकारीमा आवद्ध सदस्यहरुको जीवनस्तर उकास्नका लागि वडाका तर्फबाट व्यवसायीक कृषिका लागि आवश्यक बजेट विनियोजन गरिने बताउनु भएको छ  । भने कृषिले अर्थतन्त्रलाई उकास्ने भएकाले सहकारीका माध्यमबाट किसानलाई व्यवसायीक बनाईनु पर्ने उहाँको सुझाव थियो ।

सहकारीका सल्लाहाकार समिति संयोजक प्रकाशबाबु खनाले सहकारीमा आवद्ध सदस्यहरुको जीवनस्तर उकास्ने खालका कार्यक्रम सञ्चालन गर्नु पर्ने बताउनु भयो । उहाँले विगतलाई स्मरण गर्दै किसानको समस्या पहिचान गरि किसान लक्ष्ति कार्यक्रम गर्न सहकारीलाई सुझाव दिनु भएको छ ।  

साधारण सभामा संस्थाकी अध्यक्ष उमाकुमारी सापकोटाले संस्थाको २०८०÷०८१ को प्रतिवेदन र आगामी वर्षको अनुमाति बार्षिक प्रतिवेदन , लेखा समितिका संयोजक शान्ता खत्री भट्टले लेखा प्रतिवेदन, कोषाध्यक्ष पध्मादेवी पौडेलले आर्थिक प्रतिवेद पेश गर्नु भएको सहकारीका व्यवस्थापक प्रकाश शाहले जानकारी दिनु भएको छ ।  

कार्यक्रममा संस्थाको विभिन्न कारोबारमा उल्लेख्य योगदान गर्ने ५ जना उद्यमीहरु (डेरी सञ्चालक) मिसन ढकाल , रमेश गौतम , सरोज कोइराला ,सन्जु पाठक र कृष्ण लामिछानेलाई दोसल्ला ओढाएर मायाको चिनोले सम्मान गरिएको थियो  । यसैगरी सबैभन्दा बढी दुध उत्पादन गर्ने किसान उमा कुमारी सापकोटा, कमला पाण्डे, यज्ञकुमारी पन्त,पवित्रा न्यौपानेलाई दोसल्ला र मायाको चिनोको साथमा सम्मान गरिएको थियो । 

८८ जना सेयर सदस्य रहेका सो सहकारीले दुध संकलन र बिक्री बितरण गर्दै आएको संस्थाकी अध्यक्ष सापकोटाले बताईन । हाल सहकारीमा मासिक १८ हजार लिटर दुध संकलन हुदै आएको र दैनिक ४० जना किसानहरुको दुध संकलन हुने उनले वताईन । 

सल्लाहाकार समिति सदस्या पार्वती घिमिरेले स्वागत मन्तवय राख्नु भएको सो साधारण सभाको सञ्चालन सचिव सुनिता बगाले पौडेलले गर्नुभएको थियो । भने सहकारीकी अध्यक्ष सापकोटाको अध्यक्षतामा सम्पन्न भएको थियो ।