चितवन, माघ ४ –१५ औं संस्करणको चितवन महोत्सव २०८१ को नवौं दिनसम्म आइपुग्दा ३ लाख ५० हजारले अवलोकन गरेका छन् । उद्योग वाणिज्य संघ (उवासंघ) चितवनको आयोजनामा नारायणगढस्थित नारायणी नदी […]
चितवन प्रहरीले भन्यो-पोखरा लैजाँदा रविलाई दुर्व्यवहार भएको छैन, भ्रम फैल्याइयो
Radio Chitwan
आइतवार, मंसिर २३, २०८१
काठमाडौं- जिल्ला प्रहरी कार्यालय चितवनले सहकारी ठगी प्रकरणमा राष्ट्रिय स्वतन्त्र पार्टीका सभापति रवि लामिछानेलाई दुर्व्यवहार गरिएको भनेर गरिएको टिप्पणी र चर्चाको खण्डन गरेको छ।
जिल्ला प्रहरी कार्यालय चितवनका प्रहरी नायव उपरीक्षक भेषराज रिजालले आइतबार विज्ञप्ति जारी गर्दै पूर्व गृहमन्त्री लामिछानेमाथि प्रहरीले अमानवीय व्यवहार नगरेको भन्दै आएका चर्चा र समाचारको खण्डन गरेका हुन्।
प्रहरीले राति सुतेको बेलामा हिरासत कक्षबाट लामिछानेलाई उठाएको, अस्वस्थता हुँदा हुँदै कास्की लगेको, मादक पदार्थ पिएर दुर्व्यवहार गरेको भनेर आएका समाचारहरू कपोकल्पित र झुट्टा रहेको रिजालले बताएका छन् ।
‘मंसिर १९ गते जिल्ला सरकारी वकिल कार्यालय, चितवनमा बयानका क्रममा भिडले अनुसन्धानमा बाधा पुर्याउने प्रयास गरेको थियो। प्रहरीमाथि ढुंगा मुढा प्रहार गर्ने, कार्यालयभित्र प्रवेश गर्न खोज्ने जस्ता घटना भएका थिए’, उनले भनेका छन्, ‘खराब मौसमका कारण हवाई मार्गबाट लैजान नसक्ने अवस्था थियो । भीडबाट सुरक्षा चुनौती बढ्ने देखिएकाले विशेष सतर्कता अपनाइएको थियो। बयान सकिएपछि लामिछानेलाई आफन्तसँग भेटघाट गराइयो। त्यसपछि मंसिर २० गते राति १२: ५ बजे सुरक्षा सतर्कता अपनाउँदै चितवनबाट कास्की जिल्ला प्रहरी कार्यालय पुर्याइएको हो ।’
रिजालले सामाजिक सञ्जालमा भ्रामक समाचार फैल्याइएको भन्दै खण्डन गरे। ‘पोखरामा उपस्थित गराउने क्रममा प्रहरी कर्मचारीले राति सुतेको बेला हिरासत कक्षबाट उठाएको, दुर्व्यवहार गरेको, अस्वस्थताका बाबजुद लगिएको, प्रहरी कर्मचारीले मापसे गरेको भन्ने जस्ता भ्रामक, झुट्ठा, भ्रमपूर्ण विचारहरू टिकटक, फेसबुक लगायत सामाजिक सञ्जालमा सम्प्रेषण भएको सन्दर्भमा यस कार्यालयको गम्भीर ध्यानाकर्षण भएको छ,’ उनले भनेका छन् ।
गत मङ्सिर १९ मा जिल्ला सरकारी वकिल कार्यालय, चितवनमा बयान सकिएपछि लामिछानेलाई हिरासतमा राख्नुअघि उनका आफन्त र शुभचिन्तकसँग भेट गराइएको पनि उनले बताए । भेटघाट सकेपछि उनलाई सुरक्षा सतर्कतासहित कास्की लगिएको उनले बताए ।
प्रहरीले लामिछानेलाई चितवनबाट कास्की लैजाँदा कानुनी प्रक्रिया र मानव अधिकारका मान्यताको पूर्ण पालना गरिएको पनि जानकारी दिएको छ ।
आन्य समाचारहरु:-
चितवन महोत्सवमा भोलि भुवन प्यासी र समिक्षा अधिकारीको प्रस्तुती,साथै अन्न्य कार्यक्रम
चितवन, माघ २ –उद्योग वाणिज्य संघ (उवासंघ) चितवनद्वारा नारायणगढस्थित नारायणी नदी किनारको प्रदर्शनी मैदानमा आयोजित १५ औं संस्करणको चितवन महोत्सव उल्लासमय तरिकाले चलिरहेको छ । महोत्सवमा दिनदिनै सांस्कृतिक कार्यक्रमहरु भइरहेका […]
चितवन महोत्सवमा भोलि हिमेश पन्त र सुजिता श्रेष्ठको प्रस्तुती, अरु पनि हुँदैछन् सांस्कृतिक कार्यक्रम
चितवन, पुष २९ –उद्योग वाणिज्य संघ (उवासंघ) चितवनको आयोजनामा नारायणगढस्थित नारायणी नदी किनारको प्रदर्शनी मैदानमा १५ औं संस्करणको चितवन महोत्सव जारी छ ।महोत्सवमा दिनदिनै सांस्कृतिक कार्यक्रमहरु भइरहेका छन् । स्थानीय […]
खैरहनीमा खिचरा महोत्सवको दसौं संस्करण सुरु
खैरहनी । वागमती प्रदेशका मुख्यमन्त्री बहादुर सिंह लामाले चितवनको खैरहनीमा सोमवार खिचरा महोत्सवको दसौं संस्करण उद्घाटन गरेका छन् । थारु कल्याणकारिणी सभा चितवन क्षेत्र नं ७ ले खैरहनी नगरपालिका वडा […]
