चितवन – नारायणगढस्थित नारायणी नदी किनारको प्रदर्शनी मैदानमा उद्योग वाणिज्य संघ (उवासंघ) चितवनद्वारा आयोजित १५ औं संस्करणको चितवन महोत्सव जारी छ । महोत्सवमा दिनदिनै सांस्कृतिक कार्यक्रमहरु भइरहेका छन् । स्थानीय […]
सौराहामा पर्यटन विकासको लागि अन्तर्किया
Radio Chitwan
बिहिबार, जेष्ठ ३१, २०८१
रत्ननगर । मुलुकको तेस्रो पर्यटकीय नगरी सौराहा चितवनको पर्यटन विकासको लागि विहीबार सर्वपक्षिय अन्तर्किया कार्यक्रम गरिएको छ ।
रत्ननगर पर्यटन प्रर्वद्धन समितिले तयार गरेको पर्यटन विकास सम्बन्धी कार्ययोजनाको मस्यौदा माथि छलफल गर्न अन्तर्किया कार्यक्रम गरिएको हो । समितिले सौराहालाई केन्द्र विन्दु मानेर चितवनको पर्यटन विकासका लागि गर्न सकिने कामहरु सहितको पर्यटन कार्ययोजनाको प्रारम्भिक मस्यौदा तयार गरेको छ । समितिले सौराहाको सफारी पर्यटनलाई केन्द्र विन्दु मानेर आवश्यक पूर्वाधार निर्माण र जिल्ला भित्रका सम्भावित गन्तव्यहरुसंग जोडेर सौराहाको पर्यटनलाई विकास गर्ने गरी ४१ बुँदे कार्ययोजनाको प्रारम्भिक मस्यौदा तयार गरेको समितिका अध्यक्ष भेषराज दुवाडीले जानकारी दिए ।
सौराहालाई मुख्य गन्तव्य स्थल मानेर माडी, भरपुर, इन्छाकामना, कालिका, खैरहनी र राप्ती नगरपालिकाका पर्यटकीय गन्तव्यहरुसंग जोडर सौराहाको पर्यटनको दायरा फराकिलो बनाउने गरी कार्ययोजना निर्माण गरिएको अध्यक्ष भेषराज दुवाडीले बताए । कार्ययोजनामा सन २०२५ लाई सौराहा भ्रमणबर्षको रुपमा मनाउने, पर्यटन सुचना केन्द्र स्थापना गर्ने, सौराहालाई विशेष पर्यटन क्षेत्रको रुपमा घोषणा गर्न सरकारी पहल सुरु गर्ने, सौराहाको अस्थित्व जोगाउन ब्रान्डिङ गर्ने, पर्यटकको बसाई लम्ब्याउन निकुञ्जको टिकटको अबधिलाई तीन दिन बनाउने लगायतका विषयहरु समेटिएको छ ।
सौराहमा अगामी वर्ष हने अन्तराष्ट्रिय हात्ती महोत्सवका अवसर पारी सरकारबाट नेपालकै महत्वपूर्ण पर्यटकीय क्षेत्र घोषणा गर्ने र सोही समारोहमा चितवनलाई समेट्दै घुमौ सौराहको निरन्तरता स्वरुप परिवर्तन गर्दै सौराह भ्रमण वर्ष २०२५ घोषण गर्ने, भरतपुर विमानस्थलमा सुचनाका लागि पर्यटन प्रवद्र्धन सम्बन्धी बोसर, पम्प्लेट र श्रव्यदृष्य सामाग्री प्रसारण गर्ने मोनिटर समेतको व्यवस्थापन गर्ने, सौराहको बारकोड निर्माण गरी सुचना र जानकारीमुलक सामाग्री व्यवस्थापन तथा रत्ननगरको आकासे पुल लगायत राजमार्गमा आवश्यक पर्ने स्थानमा सौराह प्रवेश संकेत भएको आकर्षक लाईट सहितको सुचना पाटीको व्यवस्था मिलाउने योजनामा समबेश गरिएको छ ।
व्यवसायी तथा संरक्षणकर्मीहरुले सौराहाको सफारी र संस्कृतिक पर्यटनको साख जोगाउने गरी काम गर्नुपर्ने बताए । सौराहाको सफारी पर्यटनलाई विर्र्सिएर चितवनको पर्यटन विकास नहुने भन्दै उनीहरुले पर्यटन कार्ययोजनामा सफारी पर्यटनलाई प्राथमिकतामा राख्नु पर्नेमा जोड दिए ।
कार्यक्रममा क्षेत्रीय होटल संघका उपाध्यक्ष ओमप्रकास पाण्डे, रेवान सौराहाका अध्यक्ष ध्रुव गिरी, साना पर्यटन व्यवसायी समुहकी अध्यक्ष छुना रेग्मी, वर्ड एजुकेशन सोसाइटीका अध्यक्ष टीका गिरी, रत्ननगर उवासंघका बरिष्ठ उपाध्यक्ष निराजन खनाल, बाघमारा मध्यवर्ती सामुदायिक वनका अध्यक्ष जीतु तामाङ, चित्रसेन मध्यवर्ती सामुदायिक वनका अध्यक्ष पुष्पराज श्रेष्ठ, टिकौली वनका अध्यक्ष बुद्धिसेन चौधरी, क्षेत्रीय होटल संघका पूर्व अध्यक्षहरु गिरिधारी चौधरी, शंकर सैँजू, व्यवसायीहरु ऋषि तिवारी, गोकर्ण गिरी, पुरुषोत्तम श्रेष्ठ, रामेश्वर शाह लगायतले मन्तव्य राखेका थिए ।
आन्य समाचारहरु:-
सकियो खिचरा महोत्सव : एकलाख बढीले गरे अबलोकन
खैरहनी । पूर्वी चितवनको खैरहनी नगरपालिका वडा नं ५ गौचरणमा आयोजना गरिएको १०औं खिचरा महोत्सव सोमबार सकिएको छ । माघी पर्वको अबसर पारेर थारु कल्याणकारिणी सभा चितवन क्षेत्र नं ७ […]
चितवन महोत्सवमा हेल्थी बेवी प्रतियोगिता : विजेता राना मगर बनिन् प्रथम
चितवन, माघ ६ –चितवन महोत्सवका अवसरमा आयोजित हेल्थी बेवी प्रतियोगितामा विजेता राना मगर विजयी भएकी छन् । उद्योग वाणिज्य संघ (उवासंघ) चितवनको सभाहलमा आयोजित प्रतियोगितामा एभरेष्ट प्रि स्कुलकी विजेता राना […]
रत्ननगरमा एचपिभी खाेप सम्बन्धी अभिमुखिकरण
रत्ननगर । रत्ननगर नगरपालिका स्वास्थ्य शाखाको आयोजनामा एचपिभी खोप अभियान–२०८१ अन्तर्गत नगरस्तरीय खोप समन्वय समितिको बैठक तथा सरोकारवालाहरुको लागि अभिमुखीकरण कार्यक्रम गरिएकाे छ । सामाजिक विकास समितिका संयोजक बालकृष्ण चापागाईंको […]
