चितवन, जेठ ९ –
नेकपा (एमाले) चितवनको ११ औं जिल्ला अधिवेशनका लागि निर्वाचन कमिटी गठन गरिएको छ ।
जिल्ला पार्टीको सिफारिसका आधारमा नेकपा एमाले केन्द्रीय निर्वाचन आयोगले निर्वाचन कमिटी गठन गरेको हो ।

कमिटीको प्रमुख निर्वाचन अधिकृतमा पिपीएल उपमहासचिव एवम् बागमती प्रदेश प्रमुख जगन्नाथ थपलियालाई नियुक्त गरिएको छ । निर्वाचन अधिकृतहरुमा यमनाथ शर्मा, राजकुमार श्रेष्ठ, शेषशंकर उप्रेती, शोभा भट्टराईलाई नियुक्त गरिएको छ ।

यही जेठ १२, १३ र १४ गते एमाले चितवनको जिल्ला अधिवेशन हुँदैछ । ऊक्त अधिवेशनमा निर्वाचन सम्पन्न गर्नका लागि प्रमुख निर्वाचन अधिकृत र निर्वाचन अधिकृतहरु नियुक्त गरी पठाइएको आयोगले जनाएको छ ।

नेकपा (एमाले) को विधान, निर्वाचन अयोग नियमावली, निर्वाचन नियमावली, निर्वाचन आचारसंहिता, पार्टीको अन्तरपार्टी निर्देशन लगायत पार्टीको घोषित नीति र केन्द्रीय निर्वाचन अयोगको निर्देशनमा रहि निर्वाचनलाई स्वतन्त्र र निष्पक्ष रुपमा सफलतापूर्वक सम्पन्न गर्न आयोगले निर्वाचन अधिकृतहरुलाई निर्देशन समेत दिएको छ ।